Деонтологияжәне медициналық құжаттар. Барлық жағдайда науқастың өзінің ауыр халінен хабардар болуы жүргізілетін емнің нәтижесіне кері әсерін тигізері анық. Сондықтан науқастың қолына толық күрделі диагнозы жазылған қандай да бір анықтама немесе зерттеулер нәтижесін бермеген дұрыс, өйткені ондай мәлімет жүйкесіне кері әсерін тигізеді.
Дәрігерлік құпия. Дәрігерлер мен басқа да медицина қызметкерлері науқастың диагнозы, жеке өмірі және жанұялық мәселелерін жария етуіне болмайды. Науқастың жұқпалы ауруларын, жұмысына тыйым болатын диагноздарын дәрігер тиісті орындарға өзі хабардар етеді.
