Өмір тарихы (Anamnesis vitae) Науқастан сұрау барысында аурудың дамуына нақты себептерін анықтап шығу керек. Созылмалы және жедел гломерулонефритке, пиелонефритке алып келетін, ықпал ететін факторлар: суықтаумен жиі ауру. Бұрындары өкпе және басқа органдардың туберкулезімен ауырды ма анықтау арқылы бүйректің туберкулезді этиологиясын жоққа шығару. Науқас басқа жүйенің ауруымен ауырмайды ма соған мән бөлу керек: коллагеноздар,қант диабеті, кейбір қан аурулары. Кейбір іріңді аурулар (остеомиелит, бронхоэктатикалық аурулар). Бірқатар бүйрек аномалиясы, амилоидоздар тұқымқуалаушылық болуы мүмкін. Жиі жүрумен, ауыр заттарды жиі көтеру бүйрек тас ауруларына және одан бүйрек коликасының дамуына алып келетінін ескеру керек. Жүкті әйелдерде көптеген созылмалы аурулардың өршуі дамып жүктілік кезіндегі нефропатия алып келуі мүмкін.
