«8 наурыз-Халықаралық әйелдер» мерекесіне орай Б.С.Сыздыкованың жетекшілігімен «Көкшетау» шаңырағы, Н.Е.Нұрахметованың «Жеке Батыр» шаңырағы, Д.Р.Ханафинаның «Жұмбақтас» шаңырағы , И.К.Токмолдинаның «ZEREN» шаңырағы, Н.О.Мендекинаның «Turan» шаңырағы, «Тіршілік тірегі – АНА» атты меркелік сынып сағаттарын өткізді.
6 наурыз күні қала әкімі Ермек Боранбайұлы Маржықпаев мектеп-лицейінде орналасқан жылыжай мен жасыл технологиялар зертханасымен танысты. Мұнда оқушылар гидропоника , өсімдіктерді топырақсыз өсіру әдісін меңгеріп жатқандығын, осы бағытта зерттеп жатқан ғылыми жұмыстар жайында баяндады. Ұлы даланың кешегісі мен бүгінін жас толқынға насихаттап, жаңғыру жолында ұйымдастырылып жатқан қала мектептері арасындағы IT мектеп-лицейінің шығармашылық ұжымы «Жастар жылына» арналған «Ақмола жұлдыздары – 2019» қалалық көркемөнерпаздар байқауына қатысып, жүлделі 1 орынға ие болды. Қалалық «Махамбет» оқуларынан «Ұлы арман» номинациясы бойынша «Көкшетау» шаңырағының 5 «В» сынып оқушысы Әбілмансұр Сатыбалдинов 2 орынға ие болды.
19 наурыз күні мектеп-лицейінде «Ұлыстың ұлы күні – Наурыз мейрамына» орай «Наурыз-Нұрлы жыл басы» атты тәрбиелік-тағылымдық мәні зор мерекелік шара өтті. Мектеп ауласында «Үкілі Ыбырай», «Ақан Сері», «Біржан сал» ауылдары (киіз үйлер) құрылды. Ақмола облысы «Нұр Отан» партиясы төрағасының орынбасары А.Д.Біржанов құттықтау сөз сөйлеп, өнер-жыршылар және термешілер одағының мүшесі Қуаныш Оспан арнау, 6 «А» сынып ата-аналар комитетінің төрайымы Роза Боканова жиылған қауымға ән арнап, мерекелік шараның ажарын одан әрі арттыра түсірді. Іс-шара барысында «Арқан тарту», «Қыз қуу» және т.б. қазақтың ұлттық ойындары ойнатылып, салт-дәстүрлер көрсетілді.
28 наурыз күні мектеп-лицейінде тарихи күндердің бірі болды. Білім және ғылым министрі Күләш Ногатаевна Шамшидинова ресми іс-сапармен мектеп-лицейімізде қонақта болды. Лицейдің жұмыс барысымен, қысқа мерзім ішінде жеткен жетістіктермен танысып, қала бойынша келген ұлағатты ұстаздармен кездесу өткізді. Екі сағатқа созылған кездесу барысында білім беруге қатысты көпшіліктің көкейінде жүрген мәселелер сөз болып, толғандырған сұрақтарға мардымды жауаптар берілді.
Оқушылардың көктемгі демалыс уақытын тиімді пайдалану мақсатында «Әулет» мектептен тыс жұмыс орталығының ұйымдастыруымен өткізілген «Саналы азамат» базалық бағытының «Дара жол» жобасын жүзеге асыру аясындағы «Тіл парасаты» іскерлік ойынында «Көкшетау» шаңырағының 7 сынып оқушылары қатысып, жүлделі 1 орынға ие болды.
2019 жылдың 5 сәуір күні мектеп – лицейімізде геология және минерология ғылымдарының кандидаты, ҚР жер қойнауының құрметті барлаушысы, профессор, геология – минерология академиясының корреспондент мүшесі, Көкшетау қаласының құрметті азаматы Қазбеков Айтқажы Қазбекұлының құрметіне арналған қала мектептері арасындағы алғашқы шахматтан турнирдің тұсау кесу салтанаты өтті. 9 сәуір күні рухани-адамгершілік тәрбие бағыты негізінде мектеп-лицейіміздің оқушылары Ш.Құсаинов атындағы Ақмола олыстық қазақ драма театрында өткен Қазақстанның еңбек сіңірген қайраткері, жазушы-драматург Жабал Ерғалиевтің «Жан шырылы» атты сахналық қойылымын тамашалап қайтты. «12 сәуір – Халықаралық авиация және ғарышкерлер күніне»орай» «Жеке Батыр», «Жұмбақтас» шаңырақтарының оқушыларымен «Жер кіндігі-Байқоңыр» атты тәрбие сағаты өтті. Мақсаты – еліміздің мақтанышы «Байқоңыр» ғарыш айлағы туралы ақпарат бере отырып, ХХ ғасырдың 2-ші жартысындағы адам баласының ғарышты игерудегі жетістіктері, оның ғылыми маңызы жайында оқушылардың білім көкжиегін кеңейту. Жас ұрпақтың патриоттық, отаншылдық сезімін оята отырып, елін жерін сүюге, құрметтеуге тәрбиелеу болды.
Достарыңызбен бөлісу: |
