б) Материя қозғалысы. Оқушылар материяның кез келген формасында қозғалыста болатынын, материя қозғалысының көпжақтылығын, қозғалыс өздігінен пайда болмайтынын, олардың бір түрінен екінші түріне айналатынын, яғни тікелей қарастырғанда энергияның сақталу заңында көрінетінін түсінуі тиіс.
в) Кеңістік және уақыт. Кеңістік және уақыт материяның өмір сүру формасы болып табылады. Қазіргі кездегі физикада кеңістік және уақыт бір-бірімен байланысты, олар салыстырмалы және материя қозғалысына тәуелді. Кеңістік пен уақыттың қасиеттерін анықтайды.
г) Негізгі физикалық теориялар және олардың қазіргі кездегі дүниенің физикалық бейнесіндегі алатын орны. Жалпылау сабақтарын қазіргі кездегі дүниенің физикалық бейнесіндегі физикалық теориялардың алатын орнын талдаумен, әлемді танып білудің таусылмайтынын қарастырумен аяқтаған дұрыс.
