К. Т. Медеубаева 1 Д.Қ. Садирбекова

Қазақ мемлекеттік қыздар педагогикалық университетінің Хабаршысы № 2 (74), 2018 
100
ҒТАХР14.35.07 
БІЛІМ САПАСЫН АРТТЫРУДА ФУНКЦИОНАЛДЫҚ САУАТТЫЛЫҚТЫҢ 
ПЕДАГОГИКАЛЫҚ МАҢЫЗЫ 
 
 К.Т. Медеубаева
1
 Д.Қ. Садирбекова
2
 
1
п.ғ.к., қауым профессор м.а., 
2
п.ғ.магистрі, аға оқытушы 
1,2 
Қазақ мемлекеттік қыздар педагогикалық университеті
Қазақстан, Алматы қ., е-mail:medeubaeva_kt@mail.ru 
Мақалада оқушылардың функционалдық сауаттылығын қалыптастырудағы жалпы білім беру 
ұйымдары іс-әрекетінің мазмұны мен түрлері қарастырылған. Оқушылардың функционалдық 
сауаттылығын арттыру – білім беру процесінің негізі болып табылады. Қазақстанда кеңестік кезеңнен 
кейінгі кеңістікте алғаш рет 2012-2016 жылдарға арналған функционалдық сауаттылықты дамытудың 
Ұлттық іс-қимыл жоспары дайындалды, онда оқушылардың құзыреттілік біліктерін, алған білімдерін 
шынайы өмірлік жағдаяттарда тиімді қолдана білу қабілеттерін дамыту көзделгендігі туралы 
тоқталған. Ел үшін маңызды осы стратегиялық міндеттерді шешу жағдайында тұлғаның ынталылығы, 
шығармашылықпен ойлауы мен дәстүрлі емес шешім қабылдау қабілеттері, кәсіби жол таңдау білігі, 
өмір бойы білім алуға даярлығы – оның басты функционалдық қасиеттері екеніне ерекше назар 
аударылған. Аталған функционалдық біліктерді қалыптастыруда мектеп пен мектеп ұжымының басты 
орын алатындығы талдана келе, білім беру ұйымдарындағы оқыту процесі оқушылардың 
функционалдық сауаттылығын дамытуға бағытталуының қажеттігі аталып көрсетілген. Отандық және 
шетелдік білім беру теориясы мен практикасында жүргізген зерттеулердегі оқушылардың 
функционалдық сауаттылығын дамытуға бағытталған кейбір еңбектерге талдау жасалып, 
жаңартылған білім мазмұны негізінде бағалау жүйесінің ерекшеліктеріне тоқталған.