Карбозова булбул давлетханкызы
Жұмыстың жалпы сипаттамасы
жүктеу/скачать 3,13 Mb. Pdf көрінісі
|
karbozova-b-d-dissert
| Жұмыстың жалпы сипаттамасы
. Елбасы Н. Назарбаев 2018 жылғы 10 қаңтардағы «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауында «Барлық жастағы азаматтарды қамтитын білім беру ісінде өзіміздің озық жүйемізді құруды жеделдету қажет. Білім беру бағдарламаларының негізгі басымдығы өзгерістерге үнемі бейім болу және жаңа білімді меңгеру қабілетін дамыту болуға тиіс» – деп [2], білім беру ісінде озық жүйемізді қалыптастырып, білімді меңгертуді жаңа бағытқа бұруымыздың қажеттілігін баса айтқан болатын. Бүгінгі таңда тілді зерттеуде, оқытуда жаңа бағыттар қалыптаса бастағаны белгілі. Өткен ғасырда тілді зерттеу, оқыту құрылымдық грамматика аясында жүзеге асырылса, қазіргі кезде тілді адам болмысымен өзара бірлікте қарастыруды мақсат ететін антропоөзектік бағыт басымдыққа ие. Тіл білімінде таңбалануы мен дыбысталуы сәйкес келетін сөздер қабатын омонимдер деп атайтындығы белгілі. Жалпы тіл білімінде омоним мәселесі көптеген ғалымдардың зерттеу еңбектерінде қарастырылып, күні бүгінге дейін жалғасын тауып келеді. 8 Бір қарағанда қарапайым болып көрінетін бұл құбылыстың білім беруде өзіндік қиыншылықтары да жоқ емес. Осы тілдік құбылысты түсіндіруде, омонимдерге қатысты ұғымдарды атауда бірізділіктің сақталмай отыруы, оларды құрылымдық топтарға бөлуде және қолдану мақсатын айқындауда дәлдіктің жоқтығы және т.б. мәселелер білім беру жүйесінде бірқатар олқылықтардың орын алуына себеп болып отыр. Сондықтан білім беру саласында, оның ішінде болашақ филологотарды, қазақ тілі мұғалімдерін даярлайтын жоғары оқу орнында студенттерге алдымен, омонимдердің табиғатын кешенді түрде меңгерту, яғни омонимнің түрлерін, омонимдік құбылыстың логикалық-тілтанымдық негіздерін айқындай отырып, омонимдердің когнитивті-семантикалық құрылымын жан-жақты игерту өзекті болып табылады. Сонымен қатар диссертацияда филологиялық білім беретін жоғары оқу орындарында омонимдер құбылысын қазіргі жаңа технологияға сай оқытудың тиімді әдіс-тәсілдерін көрсету мақсат етіледі. Сондықтан қазақ тіліндегі омонимдердің когнитивті-семантикалық құрылымын жоғары оқу орындарында инновациялық технология талаптарына сай оқытудың әдістемесін жасау маңызды мәселе. жүктеу/скачать 3,13 Mb. Достарыңызбен бөлісу:
|