Кристалда бөлшектер реттеліп орналасады. Атомдардың кеңістікте реттеліп орналасуы кеңістіктегі периодтық қасиеті болып табылады.
Әр кристалдық заттың бөлшектері белгілі рет және симметрияға сай орналасады, бөлшектердің арасындағы қашықтықтар қатаң бекітілген болады. Кристалдық зат құрылысының заңдылықтарын сапалық және сандық түрде анықтауға болады.
Кристалдық құрылымдарды бейнелеу үшін арнайы терминдер қолданылады.
Кристалл құрылымы – бұл бөлшектердің кеңістікте нақты орналасуы.
Кеңістік торы – бұл материалдық бөлшектердің немесе бөлшектер тобының кеңістікте периодты қайталануын бейнелеу әдісі. Бұл шексіз үшөлшемдік периодтық құрылым, немесе кристалдық кеңістіктегі бірдей нүктелерді анықтайтын геометриялық құрылым болып табылады.
Кристалдық құрылым – бұл физикалық нақтылық, ал кеңістік торы – симметрия заңдарын немесе кристалдық құрылымның симметриялық түрлендірулер жиынын анықтауға мүмкіндік беретін геометриялық бейнеболып табылады.
Элементар ұяшық– бұл тұтас кристалл құрылымы туралы ақпарат беретін атомдардың минимал жиыны.
Кристалдық көпқырлықтың құрылымын бейнелеу үшін барлық кристаллографиялық координат жүйелері үшін ыңғайлы болатын кристаллографиялық индекстеу әдісі қолданылады. Бұл әдіс координат жүйелері тікбұрышты немесе қисықбұрышты, масштаб кесінділері бірдей немесе әртүрлі болғанына тәуелсіз болады.
Тордағы кез келген түйіннің орны алынған координат жүйесінің бастапқы нүктесінен оның –
