Лекция 6 (сағат) Тәжірибелік (семинар) сабақтары 30 (сағат)

С.Ж.АСФЕНДИЯРОВ АТЫНДАҒЫ ҚАЗАҚ ҰЛТТЫҚ МЕДИЦИНА УНИВЕРСИТЕТІ		КАЗАХСКИЙ НАЦИОНАЛЬНЫЙ МЕДИЦИНСКИЙ УНИВЕРСИТЕТ ИМЕНИ С.Д.АСФЕНДИЯРОВА
биологиялық химия Кафедрасы
051302-«СТОМАТОЛОГИЯ» мамандығына арналған биологиялық химиядан силлабус

СИЛЛАБУС

Силлабус биологиялық химия кафедрасының мәжілісінде талқыланып, бекітілген.

29 тамыз 2012ж.

Хаттама №1
Кафедра меңгерушісі,

профессор _______________________Плешкова С.М.

Мамандық: 051302 «Стоматология»

1. 
   Дәрістер мен тәжірибелік сабақтарға міндетті түрде, үнемі қатысу.
   
2. 
   Дәріске міндетті түрде қатысу. Рейтинг есептеген кезде жіберілген әрбір лекциядан (1 сағаттық) 1 балл шегеріледі.
   
3. 
   Орындау түрі әркелкі болатын СӨЖ-ң 4 түрін міндетті орындау.
   
4. 
   Студент СӨЖ-н тақырыптық жоспарға сәйкес сол тарау бойынша аралық бақылауға дейін 1 апта бұрын тапсыру керек.
   
5. 
   Аралық бақылауды тақырыптық жоспарға сәйкес тапсыруы тиіс. Аралық бақылау теория бойынша сұрақтарға жауап беруден және тәжірибелік дағдыларды (зертханалық жұмыстарды орындау және безендіру) тапсырудан тұрады.
   
6. 
   Оқу үрдісіне белсенді түрде қатысу (зертханалық жұмыстарды конспектілеу, теориялық материалды дайындау, жағдайлық есептер мен тесттерді шешу, зертханалық жұмыстарды өз бетінше орындау).
   
7. 
   Жіберген сабақты өтеу жіберілген сабақ саны көрсетілген деканаттың рұқсат қағазы болғанда ғана жүргізіледі.
   
8. 
   Студент сабаққа кешікпей келуі тиіс.
   
9. 
   Сабаққа таза, үтіктелген ақ халатпен келуі керек.
   
10. 
    Профессор-оқытушылар құрамымен, оқу-көмекші құрамның қызметкерлерімен және студенттермен құрмет тұтарлық қарым-қатынаста болу.
    
11. 
    Топтардағы талас тудырған мәселелерді кафедраның оқу ісінің меңгерушісі немесе кафедра меңгерушісімен ашық түрде талқылау.
    
12. 
    Кафедра мүлкіне: жиһазға, құралдарға, гүлдерге, химиялық ыдыстарға және т.б. жанашырлықпен қарау.
    

* Өздігінен білім алу құзырлылығы жұмыс бағдарламасы мен силлабустағы СӨЖ тақырыптарына сәйкес СӨЖ қабылдағанда қойылады.

Әр семестрде студент 1 СӨЖ-ден тапсыруы керек. СӨЖ тақырыбын студент өзі таңдайды.
2.Бағдарлама:

2.1.Кіріспе

Қазіргі уақыттағы биологиялық химия – тірі ағзаның қызмет атқаруы негізіне жататын, сонымен қатар адам мүшелері мен тіндеріндегі метаболизм ерекшеліктері мен оның реттелуі негізіндегі химиялық үрдістерді молекулалық деңгейде зерттейтін іргелі ғылым.

Жасуша, тін және мүшелердің тіршілігінің негізінде жататын негізгі метаболикалық үрдістерді білу болашақ дәрігерге олардың патологиялық жағдайларда бұзылу себептерін түсіну үшін қажет.

Биологиялық химия пәнін оқу барысында алған білімдер болашақ дәрігерге анағұрлым ақпараттық биохимиялық әдістерді таңдауға, оларды аурудың диагнозын сауатты интерпретациялауға және емдеу тиімділігін бақылауға көмектеседі.

Бағдарлама статистикалық, динамикалық және функционалдық биохимияның іргелі бөлімдерін қамтиды, сонымен қатар «Стоматология» мамандығы бойынша оқитын студенттерге арналған арнайы сұрақтары қарастырылады.

Биологиялық химияны оқу үшін химиядан, молекулалық биология менг медициналық генетикадан, анатомиядан, гистологиядан, медициналық биофизика мен физиологиядан алған білімдері қажет.

• 
  Стоматолог дәрігерге биологиялық химияның ролі туралы түсінікті қалыптастыру;
  
• 
  Химиялық құрылым туралы түсінік беру, белоктардың, көмірсулардың, липидтердің қызметтері мен маңызы туралы және жануарлар ағзасындағы басқа да активті қосылыстар туралы түсініктер қалыптастыру;
  
• 
  Метаболизм үрдістерінің реттелуі мен заттар алмасуы, энергияны тасымалдаудың биохимиялық заңдылықтары туралы түсінік қалыптастыру;
  
• 
  Ағза тіндері мен маңызды мүшелердің метаболизмін және кейбір молекулярлық негіздердің ерекшеліктері туралы түсінік қалыптастыру;
  
• 
  Метаболизмдегі кейбір ауытқуларды қайта қалпына келтіру мен диагностиканың биохимияның заман талабына сай жетістіктер туралы түсінік қалыптастыру.
  

• 
  Бейорганикалық қосылыстардың негізгі кластарын: витаминдердің, жай және күрделі белоктардың, липидтер мен көмірсулардың құрылысын, қызметтерін мен маңызын;
  
• 
  Метаболиттік үрдістердің реттелуі мен жүру механизмін, жасушаның функционалды және құрылымдық негізін;
  
• 
  Генетикалық ақпараттарды тасымалдаудың молекулярлық механизмін;
  
• 
  Энергия тасымалдау механизмі мен энергия алмасудың өзгерісін;
  
• 
  Ағзаның, тіндердің және молекулярлы механизмдерінің қалыптасу ерекшеліктерін;
  
• 
  Алмасу үрдістерінің реттелу механизмі мен физиологиялық қызметтерін, мүмкін болатын ауытқуларды;
  
• 
  Кейбір тағамдардың (белоктар, липидтер және көмірсулар), витаминдер, минералды заттар және судың метаболизмдегі ролін;
  
• 
  Биохимиялық тұрақтылықтар негізі мен адам ағзасындағы биологиялық сұйықтықтар туралы.
  

• 
  Негізгі биохимиялық зерттеулер нәтижелерін пайымдау;
  
• 
  Метаболизм картасымен және арнайы анықтама құралдарын пайдалана алуы қажет;
  
• 
  Биологиялық үрдістердің ауытқуы нәтижелерін, олардың биологиялық активті заттардың жетіспеушілігінен туындайтын кейбір биохимиялық өзгерістердің реттелуін алдан ала болжай алуды ; ферменттердің структуралары мен мөлшерінің бұзылуы кезіндегі метаболизм бұзылыстарын болжай алуды
  

• 
  Адам ағзасындағы сұйықтықтардың көмірсулардың, липидтердің және азот алмасуының интермедиаттарын сандық анықтауға;
  
• 
  Адам ағзасындағы сұйықтықтарда ферменттердің активтілігін анықтау әдістерін анықтауға.
  

Белоктар, олардың маңызы, жалпы қасиеттері және жіктелуі оқытылады. Жай және күрделі белоктардың өкілдері. Ферменттер, жалпы қасиеттері, әсер ету механизмі, фермент активтілігінің реттелуі, ферменттердің жіктелуі, жеке кластары. Витаминдер: суда және майда еритін витаминдер, биологиялық ролі, авитаминоздар. Энергия алмасуы. Көмірсулар, липидтер, белоктар алмасуы. Гормондар. Қан, зәр биохимиясы. Тіндер (дәнекер, сүйек, тіс тіндерінің, ауыз сұйықтығының) мен мүшелер (бауыр) биохимиясы.