Нағыз көп клеткалылар - Eumetazoa

Нағыз көп клеткалы жануарлардың басты ерекшелігі-дене құрылысындағы клеткалары толық дифференцияланған, бір-бірімен өзара байланысты тканьдері, мүшелері, нерв жүйесі жақсы дамыған. Eumetazoa тобындағы жануарлар, мүшелерінің белгілі тәртіпте орналасуына немесе дене симметриясына қарай екі үлкен бөлімге бөлінеді: сәулелі-Radiata және екі жақты симметриялы жануарлар- Bilaterata.

Жануарлардың бекініп тіршілік етуіне немесе суда шарықтап жүзуіне қоршап тұрған ортаның оған жан-жағынан бірқалыпты әсер етуіне орй мүшелері бір осьтің төңірегінде шашыраған сәулелер сияқтанып орналасады да, дененің сәулелі симметриясын құрайды. Сәулелі симметриялы жануарлардың денесі екі қабаттан тұрады: сырты - эктодермадан,

ішкі-энтодермадан. Осы белгісіне сай олар екі қабатты- Diploblastica тобына жатады. Сәулелілерге екі тип жатады: ішекқуыстылар - Coelenterata және ескектілер - Ctenophora.