| Негізгі ұғымдар:
Жиырлғыш вакуоль, коньюгация, копуляция, гетеротрофты, автотрофты, миксотрофты, циста.
Негізгі сұрақтар:
Цитоплазма қанша қабаттан тұрады?
Жиырылғыш вакуольдің қызметтерін ата?
Қарапайымдылардың қозғалыс мүшелерін ата?
Қарапайымдылар қандай жолдармен қоректенеді?
Қарапайымдылар көбею жолдарын ата?
Коньюгация дегеніміз не?
Цистаға айналудың биологиялық маңызы және ол неге байланысты?
Тақырып 5.
Көп клеткалылар - Metazoa. Губкалар типі-Spongia немесе Porifera
Мақсаты: Көп клеткалылардың негізгі сипаты және Губкалардың құрылысымен танысу.
Жануарлар дүниесі - Zoa немесе Animalia-бір клеткалылар-Protozoa және көп клеткалылар - Metazoa деп аталатын екі тармаққа бөлінеді.
Бірклеткалылар- морфологиялық жағынан бір клеткалы формалар бола тұрып, физиологиялық жағынан әрқайсысы өз алдына жеке организмдер , себебі тірі организмдерге тән зат алмасу, қозғалу, қорегін ұстау, ас қорыту, зәр шығару, тыныс алу, көбею,өсу, ортаға бейімделу қызметтерін дербес атқара алады. Көп клеткалылардың негізгі сипаты: денесі диференцияланған көп клеткалардан және үш ұрық жапырақшаларынан- эктодерма, энтодерма, мезодермадан тұрады. Төменгі сатыдағы көп клеткалы жануарлардың ересек формалары қос қабатты күйінде қалған.
Жануарлардың деңгейін, ортақ құрылымын, арасындағы морфофизиологиялық, филогенетикалық байланыстарын, эволюциялық сатысын корсету үшін оларды типтерден де жоғары ірі топтарға жіктестірген.
Көп клеткалылар үлкен үш бөлім үсті топқа бөлінеді: Phagocytellozoa, Parazoa, Eumetazoa.
Достарыңызбен бөлісу: |
