Мал азығының химиялық құрамы көптеген жағдайларға байланысты өзгеріп отырады. Айталық бір түрге жататын өсімдіктердің химиялық құрамы олардың өскен топырағына, өсіру технологиясына, ауа-райына және де басқа да факторларға байланысты өзгешеленеді. Практика көрсеткендей, қоректік заттарға тапшы құрылымсыз топыраққа қарағанда гумуспен және басқа да тыңайтқыштармен құнарланған топырақта микробиологиялық үрдіс жедел жүріп және органикалық заттардың минерализациялау белсенділігі артып, жемшөп түсімі мен сапасы жоғарылайды.
