Алтын күнмен сырласқан.
Күтер жазды аңсап кіл,
Махаббаты - жыр,дастан.
Қардан шәлі жамылып,
Қорықпайды ызғардан.
Жылытып тұр шарқ ұрып,
Өмірге іңкәр ізгі арман.
Алшаң басып өткенге,
Ару қыздай сызылып.
Аман жетші көктемге,
Ақ қайындар, тізіліп!..
БАУЫРЫМ Алдамшы мынау жалғанда,
Армансыз, шіркін, жан бар ма?
Ажалдың ілсе құрығы,
Ақсұңқар көкке самғар ма?!
Жүрегі жұмсақ жұмағым,
Тілеуі мөлдір бұлағым.
Еліне сая болатын,
Еменім, неге құладың?