Дәнді дақылдардың химиялық құрамы Дәннің химиялық құрамы дақыл түріне, өсіру жағдайларына, сақтауға және т.б. байланысты қатты өзгешеленеді.
Орта есеппен дәнде 14% ылғалдылық пен 86% құрғақ заттар болады.
Дән ылғалдылығы дәннің гигроскопиялық қасиеттеріне, пісіп жетілу дәрежесіне, сақтау жағдайларына тәуелді. Ылғал мөлшеріне қарай тауар астығының төрт күйін айырады: құрғақ – 14%-ға дейін; орташа құрғақ – 14-15,5%; ылғал – 15,5-17%; дымқыл – 17%-дан астам. Ақаулы және үсіп қалған дәннің ылғалдылығы 30%-ға дейін жетуі мүмкін және одан да асады.
Құрғақ дәнде барлық ылғал байланысқан күйінде болады. Бос ылғал пайда болғанда, дәннің тіршілікке қабілеті артып кетуі мүмкін және ұзақ сақтауға жарамайды. Бос су пайда болатын жалпы ылғалдылық критикалық деп аталады. Ол орташа құрғақ дәндегі ылғал мөлшерінің жоғарғы шегіне сәйкес келеді.
