Практиканың мазмұны
Өндірістік практикасының мазмұны арнайы курста оқып – үйрену кезінде алған теориялық білімдерін толықтыру және бекіту болып табылады.
Өндірістік практикасының аралығында студенттер практикалық базасына тиісті кәсіптік қызметі туралы нақты мағлұмат алу, тәжірибе жинақтау. Практиканың қорытындысы әр білім алушының есеп беру бойынша, сонымен қатар өндірісте жетекшілік жасаған маманның қойған бағасымен, мінездемесімен және тиісті нұсқамен даярланады.
Өндірістік практикасының барысында студенттер міндетті түрде оқулары тиіс:
- мекеменің қызметімен танысу: миссиясы, стратегиялық мақсаты, міндеттері, қызмет түрлері;
- мекеменің Жарғысының мазмұнын және оны құру мен қызмет етуі бойынша нормативтік құжаттарды оқу;
- мекеменің бөлімдерімен танысу: міндеттері, функциялары, құрылымы, қызметкерлердің міндеттері, лауазымдық қызмет нұсқаулығы.
Студенттің міндеттері:
Өндірістік практиканы өту барысында студент міндетті:
практика бағдарламасында қамтылған тапсырмаларды толығымен орындауға;
практика өтіп жүрген мекеменің ішкі ережелерін орындауға;
еңбекті қорғау мен өндірістік санитария ережелерін оқып білуге және қатаң сақтауға;
өндірістік мекеменің қызметкерлерімен қатар орындалған жұмыстардың сапасына жауап беруге;
өндірістік практика күнделігін жүргізуге;
практика жетекшісіне бағдарламаны орындағаны жөнінде жазбаша түрде есеп беруге;
тәжірибе күнделігін күн сайын мекеме жетекшісіне тексертіп, қол қойдыруға;
практика бойынша есепті графикке сәйкес уақытында тапсыру.
Достарыңызбен бөлісу: |
