Бақылау сұрақтары: 1 Гемагглютинация реакциясының (ГАР)
негізгі принципі. 2 Гемагглютинация реакциясының түрлері. 3. ЖГАР
және ГАТР-ның қойылым жолдары мен реакция нәтижелерін есепке алу.
ПРЕЦИПИТАЦИЯ РЕАКЦИЯСЫ Преципитация реакциясы (ПР) моножүйелі тікелей реакцияға
жатады. Преципитация реакциясында ерігіш антигендер, қайнату
арқылы өлтірілген өсінді сүзінділері немесе зерттеуге алынған
материалдардың экстракттары (былғары шикізаты, ет, патологиялық
материалдар және т.б.) қолданылады.
Антиген (преципитиноген) мен антиденені (преципитин) бір-біріне
қосқанда түтіктің түбіне баяу шөгетін, анық көрінетін агрегат (лайлану,
үлпектер) бөлшектері пайда болады. Пайда болған тұнбаны преципитат
деп атайды. Антигендер – преципитиногендер қыздыруға (қайнауға,
автоклавқа) және шіруге төзімді болып келеді. Оларды талқандалған
ұлпалардан, бактериялардан экстракциялау арқылы бөліп алады.
ПР сұйық ортада арнайы түтіктерде немесе тығыз агарлы ортасы
бар зат шынысында және Петри табақшаларында (диффузды
приципитация) жүргізіледі.
