66 Белбеу тастау (1 түрі)
Ойынды кең бөлмеде, аулада ойнауға болады. Қатысушылардың санына шек қойылмайды. Ойыншылар екі топқа бөлініп аралары 10-15 метрдей жерге барып, бір-бірлеріне қарама-қарсы тұрады. Ойынды басқарушы кез келген жақтың ойыншысының біріне белбеу ұсынады. Ол өз кезегінде екінші топтағы ойыншылар жаққа барып, белбеуді елеусіздеу етіп, бір ойыншының артына аяғы астына тастай салып, өзі өз тобына қарай қаша жөнеледі. Аяғының астына белбеу тасталған ойыншыны қашқан ойыншыны дереу қуып жетіп, белбеумен ұруға тырысады. Ұрып үлгерсе оны өз тобына әкеліп қосады, үлгере алмаса өзі сол топта қалып қояды. Ойын аяғында қай топтағы ойыншылар саны көп болса, сол топ жеңімпаз аталады.
Белбеу тастау(2 түрі)
Жиналған ойыншылар дөңгелене шеңбер бойына отырады. Жүргізуші шеңбер сыртында белбеуді қолына ұстап жүгіре басып айналып жүреді де, өзі қалаған ойыншының артына білдірмей белбеуді тастап кетеді. Отырған ойыншылар арттарына қарап, немесе қолдарымен сипалап белбеудің бар жоғын тексерулеріне болмайды. Жүргізуші шеңберді айналып қайтып келіп, артына тастаған ойыншы артынан белбеуді алады да, сол ойыншыны «Орныңды тап» деп белбеумен ұрып, шеңберді айналдыра қуалап, қайтып орнына келгенше соғады. Ал ойыншы белбеуді артына тастап кеткенін біліп қойса, белбеуді ала сала, ойын жүргізушіні қуалап, бос орынға отырғанша соғады. Ойын осылай жалғаса береді.
