ІV. Өзіне және басқаларға деген қарым-қатынасы

Суретті тесттер: «Менің жанұям», «Менің арманым», «Мен неден қорқамын» және т.б.

Өзінің жанұясының, неден қорқатынын, не туралы армандайтынын және т.б. суретін салуды ұсынады (бірден барлық тақырыпты бермей, бірізділікпен ұсынылады).

Нәтижесі: Жанұя құрамының бұрмалап салынуы – эмоциялық жайсыздықтың, жанжалдың белгісі. Фигуралардың орналасу орны мен көлемі жанұядағы өзара қарым-қатынасты білдіреді. Кімнің бойы биік, сол жанұяда басты, балаға кім жақын орналасса, сол балаға жақын. Егер бала өзін жеке салса, онда ол оқшауланған. Өзін өзі бағалауы төмен бала өз суретін қағаз бетінің кішкентай бөлігіне салады. Дене мүшелерінің суреттері: бас – ақыл және бақылау, дене – сезім, құмарлық, мойын – эмоцияны ақылмен бақылау мүмкіндігі, қол – жақындарымен қатынас орнату, аяқ – шынай жағдайдағы тірек және қозғалыс еркіндігі. Бетәлпетте: көз – мұң, алаңдаушылық және бақылау мүшесі, құлақ – ақпаратты тыңдау мүмкіндігі (тіптісынды да), ауыз – сөйлеу, тамақ жеу және ... шабуылдау мүмкіндігі.