«Қолданбалы ғылымдар»
Арнаулы әлеуметтiк қызметтерге талаптар
жүктеу/скачать 418,81 Kb.
|
АӘЖБ УМКД 2017 docx
| 7. Арнаулы әлеуметтiк қызметтерге талаптар
25. Әлеуметтiк-тұрмыстық қызметтер: 1) пайдалануға берiлген тұрғын орынжайлар, жұмсақ инвентарь санитарлық-гигиеналық нормалар мен талаптарға сәйкес болуға тиiс; балалардың пайдалануына берiлетiн жиһаз, жабдық балалардың жасына, психо-физикалық ерекшелiктерiне сәйкес болуға тиiс; 2) 4 сағаттан асатын режимде жартылай стационарда арнаулы әлеуметтiк қызмет көрсету жағдайында санитарлық-гигиеналық талаптарға және бекiтiлген тамақтану нормаларына сәйкес ыстық тамақ берiледi, оған жартылай стационарлық үлгiдегi МӘҰ басшысы ағымдағы апталық мәзiрдi және екiншi аптаға перспективалық мәзiрдi бекiтедi; 4 сағатқа жетпейтiн режимде жартылай стационарда арнаулы әлеуметтiк қызмет көрсету жағдайында тамақ беру (таңертеңгi жеңiл ас, түстен кейiнгi ас және басқа) ұйымдастырылады. 3) жартылай стационарлық үлгiдегi МӘҰ-да әлеуметтiк жұмыс жөнiндегi маман әлеуметтiк-тұрмыстық қызметтердi ұсынуды iшкi бақылауды жүзеге асырады, оның нәтижелерi электронды картотека/журналда тiркеледi. 26. Әлеуметтiк-медициналық қызметтер: 1) балаларды кезеңiмен медициналық-әлеуметтiк зерттеп тексеру (қажет кезiнде, денсаулық сақтау қызметкерлерiн тарта отырып), емдеудiң, консультация берудiң медициналық бөлiгiнiң жеке жоспарын, алдын-алу мен оңалту iс-шараларын әзiрлеу; 2) дәрiгерге дейiнгi көмектi уақытында көрсету; 3) балалар денсаулығының жай-күйiн күн сайын қадағалау; 4) дәрiгердiң тағайындауына сәйкес медициналық рәсiмдердi жүргiзу; 5) емдеу-сауықтыру iс-шараларын ұйымдастыру; 6) медициналық-әлеуметтiк сараптама жүргiзуге жәрдемдесу; 7) ауруханаға жатқызуды жедел ұйымдастыру және денсаулық сақтау ұйымына барғанда балаларға iлесiп жүру; 8) бала жартылай стационарлық үлгiдегi МӘҰ-дан шыққан кезде, әлеуметтiк-медициналық қызметтер көрсетушi мамандарға ұсынымдар беру; 9) ЖОБ-қа сәйкес техникалық көмекшi (орнын толтырушы) құралдарды алуға жәрдемдесу; 10) отбасы мүшелерiн балаларды жалпы күтудiң практикалық дағдыларына үйрету. Сауықтыру-емдеу iс-шараларын жүргiзу журналға тiркеледi. 27. Әлеуметтiк-психологиялық қызметтер: 1) баланың мерзiмдiк психологиялық диагностикасы мен тексеру жартылай стационарлық үлгiдегi МӘҰ басшысы бекiтетiн психодиагностикалық пакет негiзiнде жүзеге асырылады; 2) байқап-қадағалауды жүзеге асыру негiзiнде диагностика нақтыланады, қажеттi түзету iс-шаралары, әлеуметтiк-психологиялық консультация беру, медициналық-психологиялық көмек белгiленедi; 3) жеке немесе топтық сабақтар түрiнде психологиялық көмек көрсету; 4) шұғыл психологиялық және медициналық-психологиялық көмек көрсету; 5) баланың жеке жоспарын (қажет болған жағдайда) түзету, өзгерiстер мен толықтырулар енгiзу. Балалармен өткiзiлген жеке және ұжымдық iс-шаралар, оларға қатысқан балалардың саны туралы ақпаратпен қоса мамандардың журналында көрсетiледi. Оңалту iс-шаралары нәтижелерi мен уақытылы психологиялық көмек көрсетудi бақылаудың қорытындылары да мамандардың журналында (электронды картотекасында) көрсетiледi. 28. Әлеуметтiк-педагогикалық қызметтер: 1) кезең-кезеңiмен балаға әлеуметтiк-педагогикалық диагностика және тексеру жүргiзу; 2) балаға диагностика және тексеру жүргiзудiң нәтижелерiн жеке жоспарда көрсету; 3) өзiне-өзi қызмет көрсету, жеке гигиена, әлеуметтiк-тұрмыстық және тағы да басқа дағдыларын қалыптастыруға жағдай жасау; 4) тұрмыстық бағдарлау (тамақ даярлау, дастархан жасау, ыдыс жуу, пәтердi тазалау және т.б. дағдылардың) негiздерiн үйретуге жағдай жасау; 5) қол шеберлiгi және қолынан келетiн еңбекке бағдарлау дағдыларын қалыптастыру жөнiнде жағдай жасау және оқытуды ұйымдастыру; 6) жеңiл және орташа ақыл-ой кемiстiгi бар балаларды түзете-дамытып оқытуды ұйымдастыруды МӘҰ мамандары және (немесе) бiлiм беру жүйесiнiң мамандары бiлiм беру саласындағы уәкiлеттi орган бекiткен арнайы бағдарламалар бойынша (бiлiм беруге шарттары болғанда) жүзеге асырады; ауыр және күрделi ақыл-ой кемiстiгi бар балалар үшiн өз-өзiн күту, жүрiп-тұру, сенсорлық және когнитивтiк дағдыларды қалыптастыру жөнiндегi қызметтi балалардың жеке қажеттiлiгi ескерiле отырып әзiрленген (авторлық) бағдарламаларға сәйкес жүзеге асырылады; 7) әлеуметтiк дағдыларды қалыптастыру және түзеу-дамыта оқыту үшiн дефектолог мұғалiмдердiң балаларды топтар (сыныптар) бойынша (3 жастан 5 жасқа дейiн; 6 жастан 8 жасқа дейiн; 9 жастан 13 жасқа дейiн; 14 жастан 18 жасқа дейiн) жас ерекшелiктерiн ескере отырып: өзiне өзi қызмет көрсету және жеке гигиена дағдылары болмаған жағдайда - 6 адамнан асырмай; қалыптасқан (iшiнара қалыптасқан) өзiне өзi қызмет көрсету және жеке гигиена дағдылары болған жағдайда - 8 адамнан асырмай; қалыптасқан (iшiнара қалыптасқан) тұрмыстық дағдылары болған жағдайда - 10 адамнан асырмай; қалыптасқан қолымен жұмыс iстей алу дағдылары болған жағдайда (еңбек бағдарлары бағдарламаларын iске асыру үшiн топ 6 адамнан тұратын кiшi топтарға бөлiнедi) - 12 адамнан асырмай таратып бөлуi; 8) балалардың оқу-тәрбие жұмысы мен еңбекке баулудың негiзгi мәселелерiн шешу мақсатында, құрамы жартылай стационарлық үлгiдегi МӘМ басшысымен бекiтiлетiн педагогикалық кеңестi (қажеттiгiне қарай) құру; 9) анимациялық қызметтер, бағдарламалар мен оларды өткiзу сценарийлерiн ұсыну жөнiндегi жоспарды әзiрлеу; 10) балаларды оқыту нәтижелерiн аралық бағалауды жүргiзу. Түзете-дамыту және жалпы бiлiм беру барысы және (қажеттiгiне қарай) балаларды оқытудың жеке жоспарына өзгерiстер енгiзу, аралық бақылаудың қорытындылары журналда/электронды картотекада көрсетiледi. 11) жаппай және жеке жұмыс iстеуге арналған барлық кабинетке кабинет паспорттары ресiмделедi, оның нысанын әрбiр жартылай стационарлық үлгiдегi МӘҰ дербес бекiтедi. 29. Әлеуметтiк-экономикалық және әлеуметтiк-құқықтық қызметтер Арнаулы әлеуметтiк қызметтердi көрсету стандартына сәйкес ұсынылады. жүктеу/скачать 418,81 Kb. Достарыңызбен бөлісу:
|