Омарова аккенже бердихановна
жүктеу/скачать 8,57 Mb. Pdf көрінісі
|
Диссертация
|
3. Пробиотикалық өнімдер мен препараттар дайындау мақсатында бөлініп алынған өсінділер фруктозо-6-фосфатфосфокетолаза белсенділігін анықтау әдісімен, API 50 CHL тестінің көмегімен, MALDI-TOF масс-спектрометриялық талдау әдісімен, рибосомдық РНҚ секвенирлеу (16S рРНК), RAPD (random amplified polymorphic DNA) – кездейсоқ амплифицирленген полиморфты ДНҚ әдісі арқылы түрге дейін ажыратылып, бұл әдістердің микроорганизмдерді идентификациялаудағы тиімділігі анықталды. 4. Зерттелген бифидобактерия штаммдары Eztaxon құралын пайдалана отырып, 16s РНК генінің салыстырмалы талдауының негізінде типтік B. crudilactis LGM 23609 (16s РНК генінің тізбегі AY952449 тіркеу нөмірімен GenBank қол жетімді) штаммына ұқсас бірізділікке ие болып, 4 штаммның барлығы да B.crudilactis ретінде жіктелді. 5. Кездейсоқ амплификацияланған полиморфты ДНҚ талдауы (RAPD) нәтижесі ең алғаш рет Bifidobacterium штаммының түйе сүтінде кездесетіндігін растады. Жасалынған зерттеу жұмыстары нәтижесінде 7-1С штаммы KY235374 сәйкестендіру нөмірімен Ұлттық денсаулық сақтау институтының (АҚШ) генетикалық тізбектерінің деректер базасына (GenBank) енгізілді. https://www.ncbi.nlm.nih.gov/nuccore/KY235374 6. Шығыс Финляндия Университетінің Қоғамдық денсаулық сақтау және клиникалық тамақтандыру институтының және Прага қаласындағы Жаратылыстану ғылымдары университеті, «Микробиология, тағамдану және диетология» кафедрасының зертханаларында анықталған адгезивтік белсенділіктері бойынша жүргізілген зерттеу жұмыстары нәтижесінде Lc.lactis Lc.lactis 010k, Lb.acidophilus 21ch-4, Lb.bulgaricus 08ch-1, Lb.acidophilus 015k-1, Lactobacillus brevis 8-6М, 8-9М, Lactobacillus paracasei 8-2М, 6-2М, Lactobacillus helveticus 5-2М, Lact.lactis 7-8М, Bif.crudilactis 7-1С , B.crudilactis 7-2С , B.crudilactis 7-5С штаммдарының адгезивті қасиеттері жоғары деңгейде екені анықталды. 7.Асқазан-ішек жолдарының табиғи тежегіштеріне төзімділіктері бойынша штаммдардың ішінде пробиотикалық препарат дайындауға едәуір перспективтілері болып Lact.lactis 7-8M , Lactobacillus helveticus 5-2M , Lactobacillus brevis 8-6M , Lb.acidophilus 015k-1 , Lb.acidophilus 021 ch-4 , Lc.lactis 026ch штаммдары табылды. Сол себептен аталған штаммдар болашақта емдік 143 және профилактикалық мақсатта пробиотикалық препараттар алу үшін ұсынылып отыр. 8. Штаммдардың жіктелуіне сәйкес (Микроорганизмдер-продуценттердің, бактериялық препараттардың және олардың ауадағы құрамдас бөліктерінің жұмыс аймағындағы шекті рұқсат етілген концентрациясы (ШРК) ГН 2.2.6.709-98 Гигиеналық нормативтері) in vitro жағдайында потенциальды- патогенді белгілерін анықтау, вируленттігі, аллергендік және сезімтал әсерін зерттеу нәтижелері бойынша Lactobacillus brevis 8-6М, Lactobacillus paracasei 8-2M, Lactobacillus helveticus 5-2M, Bif.crudilactis 7-1C, Lact.lactis 7-8М штаммдары қауіптіліктің 4-класына жатқызылды. 9. Қымыз және шұбат үшін біршама оптимальды ашытқылар құрамы анықталды. Lb.acidophilus 015k-1, Lc.lactis 010k, T.sphaerica 034y құрамды №1 ашытқы; Lb.acidophilus 05ch, Lc.lactis 026 ch, T.sphaerica 034y құрамды №2 ашытқы сиыр, түйе және бие сүтіне бейімделді. 10.Өндірістік құнды қасиеттерін зерттеу барысында Lact.lactis 7-8 M, Lactobacillus helveticus 5-2M, Lactobacillus brevis 8-6 M, Bif.crudilactis 7- 1C, Lactobacillus paracasei 8-2 M, Lb.acidophilus 015k-1, Lb.acidophilus 021 ch-4, 026ch штаммдары перспективті болып табылды. 11. Белсенді штаммдардан лиофильді кептіру жолымен пробиотиктің 2 тәжірибелік композициясы құрастырылып, сапалық көрсеткіштері бойынша 1:1 қатынасында Lactobacillus helveticus 5-2М және Lactobacillus brevis 8-6М штаммдарының тұратын № 2 композиция жақсы көрсеткіштер көрсетіп, оған Экопробиотик деген атау берілді. 12. Пробиотикалық препараттардың сынама партиялары тиімділігі бойынша Қызылорда облысы «Қарақожа-Ата» шаруа қожалығында сынақтан өтіп, диареямен ауыратын жаңа туған төлдерде емдік және профилактикалық тиімділігі расталды. 13. Зертханалық жағдайда құрғақ күйінде жаңа пробиотикалық препараттарды алу технологиясы әзірленді. 14. Отандық сүт қышқылды бактериялар негізінде құрастырылған «Экопробиотик» препараты ауыл шаруашылық малдары төлдерінің ауруларын алдын-алу және емдеу үшін ұсынылып, препаратқа ұйым стандарты әзірленді. 15. Зерттеу жұмыстары нәтижесінде перспекті деп танылған 15 штамм Қазақстан Республикасынын Білім және ғылым министрлігінің Ғылым комитетінің «Микроорганизмдердің республикалық коллекциясына» енгізілді. Олардың түрге дейінгі идентификациясы расталып, штаммдарға коллекциялық нөмер алынды. 16. Жүргізілген зерттеулердің ғылыми жаңалығы 4 патентпен және 5 ҚР пайдалы модельдерімен расталды (Қосымша Е). . жүктеу/скачать 8,57 Mb. Достарыңызбен бөлісу:
|