Көкірек қуысындағы ауырсынуды шығу тегі мен орналасуына; ұзақтығы мен таралуы; тыныс алумен, жөтелмен және дене қалпымен байланыстылығына қарай ажырату қажет. Ауру патологиялық үдерістің көкірек қуысында, плеврада, өкпеде, жүрек және қолқада орналасуында кездеседі, сонымен бірге құрсақ қуысы ағзалары ауруларында иррадиациялануында да байқалады.
Көкірек қуысын қарау үнемі қатаң кезектілікпен жүргізілуі тиіс. Алдамен көкірек қуысының формасына, бұғаналардың орналасуына, бұғана үсті ойыққа, жауырынға қарау керек, кейін тыныс алу түрін, оның ырғақтылығын және жиілігін сипаттау керектыныс алу кезінде оң және сол жақ жауырын қозғалысын, иық белдеуін және тыныс алу актісіне қосымша бұлшықеттердің қатысуын байқау қажет. Қарауды науқастың тұрған қалпында немесе отырғызып денесін беліне дейін ашып, жарық жан-жақтан бірқалыпты түскен жағдайда жүргізген дұрыс.
Достарыңызбен бөлісу: |
