Орындалатын тапсырмалар: 1. Адамның ауыз қуысының жалпақ эпителиінің жасушасын микроскоп арқылы бағдарлау. Ол үшін стерилді шыны таяқшамен таңдайға немесе тіс түбі етіне шамалы басып өту керек. Осылай еткенде шыны таяқша ұшындағы сұйықта жалбырап шыққан эпителий жасушалары болады. Ол жасушаларды микроскоп арқылы көру үшін препарат шынысының бетіне сұйықгы таяқшадан тамызып бетін жабын әйнекпен бастырамыз. Мұндай препаратты негізінен фазоконтрастты микроскоппен қараған ыңғайлы. Ондай микроскоп болмаған жағдайда жай микроскоппен конденсорлық диафрагмасын барынша жауып бағдарлауға болады.
Препараттан ірі, жалпақ ядролы жасушаларды көруге болады. Көпшілік жасушалар өлі болады да, олардың ядросы болмайды, болса да майда болады. Студенттер көрген жасушаларын арнайы альбомға қарындашпен көшіріп салулары керек.
2. Жануар жасушасы құрылысының құралдағы жоба суретін арнайы альбомға қарындашпен көшіріп салу керек.
Бақылау сұрақтары:
1. Жануар жасушасының құрылысы?
2. Оларда қандай органоидтар болады?
3. Жануар жасушасында қандай мембраналық кұрылымдар болады?
4. Жануар жасушасының өсімдік жасушасынан қандай өзгешеліктері болады?
Сурет-7. Жануар жасушасының ультрамикроскопиялық құрылысысының сызбасы:
І – цитолемма; 1 – пиноцитоздық вакуоль; 2 – тығыз байланыс (контакт); 3 – десмосома; 4 – құлп тәрізді байланыс; 5 – саңылау тәрізді байланыс; 6 – жай байланыс; ІІ – цитоплазма; 7 – микроталшық; 8 – кіршікшелер; 9 –центросома; 10 – микротүтікшелер; 11 – түйіршікті (гранулярлық) эндоплазмалық тор; 12 – тегіс (агранулярлық) эндоплазмалық тор; 13 – Гольджи аппараты; 14 – митохондрия; 15 – лизосома; 16 – фаголизосома; 17 – полирибосома; 18 – секреторлық вакуоль; 19 – гликоген қосындылары (түйіршіктері); 20 – май
