129-сурет. Альтернариоз
Қыстап шыққан ауру қаудан өзегінде саңырауқұлақтың қал- талы кезеңі дамиды. Бұл кезде оны Pleospora herbarum Rab. деп атайды. Саңырауқұлақ қара-қоңыр түсті, шар тəрізді, саңлауы бар перитецийлер түзеді. Қалталарының пішіні цилиндр тəрізді, ішінде көлденең жəне ұзынша перделі 8 қалтаспоралары болады. Қоздырғыш өсімдікке жарақат арқылы енеді. Инкубациялық кезең
– 250С температура мен жоғары ылғалдылықта 1-2 күн. Ауру қоры –
залалданған тұқым, өсімдік қалдықтары, тұқымдықтар.
Өскіннің тұқым жарнағы мен сабағында жəне жас жапырақ- тарында қара некрозды сызықтар мен нүктелер пайда болады. Залалданған өскін қурауы мүмкін. Өсіп-өркендеген өсімдіктердің жоғарғы жапырақтарында түсі қоңыр, ірі, центрлі дақтар түзіліп, олардың бетінде күйе тəрізді өңез пайда болады. Егер түсті капуста залалданса, онда оның басында қоңыр шірік көрінеді.
Тұқымдық капустаның тұқымқабы мен сабағы қатты за- лалданады. Тұқымқап бетінде қара түсті, жылтыр, шашыраңқы ор- наласқан дақтар түзіледі. Тұқымқаптың ұшы залалданған жағдайда, саңырауқұлақ диффузды таралып, ауруға шалдыққан бөліктің түсі қоңырланып, жарылады. Ылғалы мол кезеңдерде дақ қара түсті, мақпалды өңезбен жабылады. Залалданған тұқымқапта түзілген тұ- қымдар қыртыстанып, жетілмейді.
Достарыңызбен бөлісу: |
