Кəдімгі (европалық) рак. Ауру қоздырғышы – Nectria galligena Bres. саңырауқұлағы (158-сурет). Қоздырғыш конидиялы кезеңін- де – Cylindrocarpon mali Wr. деп аталады. Залалданған мүшелерде тегіс, ақшыл жастықша тəрізді саңырауқұлақтың конидиялы спора тасушыларында екі түрлі конидиялар түзіледі. Микроконидиялары түссіз, бір клеткалы, ал макроконидиялары – ұзынша, цилиндр тə- різді, тік немесе сəл иілген, көп клеткалы. Ауру жаз бойы кони- диялармен таралады.
158-сурет. Кəдімгі рак
Саңырауқұлақ залалданған мүшелерде жіпшумақ немесе пери- теций түрінде қыстайды. Перитецийлер шар тəрізді, қызыл кірпіш
немесе ал-қызыл түсті строма ішінде орналасады. Қалталар ци- линдр тəрізді, көлемі 100-110 х 10-12 мкм. Екі клеткалы қалта- споралар 00С температурада өсімдікті қыста да залалдайды. Ыл- ғалды, жылы қыста ауру қатты дамиды.
Діңі мен бұтақтары түрлі жарақаттар мен күйіктерден əлсіре- ген ағаштар ауруға жиі шалдығады.
Аурудың екі түрі (жабық жəне ашық) болады. Жабық түрі ағаштың бұтақтарында, ал ашығы – діңінде кездеседі. Жабық түрін- де ағаштың жарасы шормен түгел жабылып, тек кішігірім саңлау қалады. Ағаш түрлі механикалық жарақаттар арқылы залалданады.
Достарыңызбен бөлісу: |
