Астықтың сызықты (сабақ) таты. Ауру қоздырғышы – Pucci- nia graminis Pers. f.tritici Eriks. et Henn. саңырауқұлағы (68-сурет). Паразит əр иелі, толық циклды дамиды. Аралық иесі – бөріқарақат жəне магония. Көктемде бөріқарақат жапырағының үстінде қоңыр дақ пайда болып, оның бетінде сары-қоңыр түсті спермагонийлер, ал дақтың астыңғы жағында түсі ақшыл сары диаметрі 2-5мм цилиндр немесе кесе тəрізді эцийлер түзіледі. Эциоспоралар шар тəрізді, қабығы түссіз, ұсақ-сүйелді, жоғарғы бөлігі қалыңдау. Бұл споралар дəнді дақылдардың сабағын залалдайды.
