3.4. Процестерді басқару Процестерді сауатты басқару соңғы өнімді алуға дейінгі өндірістің барлық сатыларындағы өнім сапасының тұрақтылығы мен қолжетімділігіне кепілдік береді.
Сертификатталатын ұйымда өнім сапасына әсер ететін барлық процестерге бекітілген үлгідегі жұмысшы ережелер дәл, нақты болуы керек. Жұмысшы құжаттар процеске арналған қажетті құрылғыларды, өндірістік ортаны, нормативтік құжаттарды, сапа бойынша жоспарларды анықтауы керек.
Қолданылатын құрылғылардың оларды пайдалануға қойылатын талаптарын анықтайтын расталған жұмысшы ережелері болуы қажет. Бұл ережелер бекітілген талаптарға сәйкестігін сақтау мақсатымен кезеңді түрде қайта қаралып отырады. Сондай-ақ жұмысшылар үшін берілген ережелердің қолжетімділігін қамтамасыз ету және олардың уақытында қаралуы мекеме басшылығының міндеттеріне кіреді.
