3. радиациялық баланс – жиынтық радиациясының шағылысуға
және жылу эффектісіне жіберген шығыны арасындағы айырмашылығы.
Топырақ және ауа температурасының жылдық таралуы, қардың қарқынды
еруі және булануы және тағы басқа табиғи үрдістер радиациялық балансқа
байланысты. Радиациялық баланс атмосфералық жауын-шашынмен
бірігіп, ландшафттың геоботаникалық ерекшелігін қалыптастырады.
Қазақстанның солтүстігіндегі радиациялық баланстың теріс көрсеткіші
3,5–4,5 (қараша-наурыз) айға дейін созылады. Оңтүстіктегі ұзақтығы
1-2 ай. Тауларда және Сарыарқаның аласа тауларындағы радиациялық
баланс, беткейдің еңісіне және экспозициясына байланысты. Жылдың
жылы кезеңдеріндегі күн сәулесінің түсу ұзақтығының және жиынтық
радиациясының мол болуы, әртүрлі гелиоқондырғылар арқылы күн энер-
гиясын пайдалануға мүмкіндік туғызады.
