Оқулық Түркістан 022 ӘОЖ
ГП-ің қорытылуы, сіңірілуі және синтезделуі
жүктеу/скачать 7,9 Mb. Pdf көрінісі
|
18.08.2022-biohimiya-2-b-lim-okonchat.-variant-1
| ГП-ің
қорытылуы, сіңірілуі және синтезделуі. Гликопротеидтер өздерінің құрылысы жағынан өте тұрақты қосылыс болғандықтан асқорыту - ішекжолдарының ферменттеріне төзімді келеді. Олардың полисахаридті тізбектері: гиалуронидаза, глюкуронидаза, галактозидаза, нейраминидазалар, сонымен қатар лизосомальды гидролазалар жататын экзо- және эндогликозидазалар мен сульфатазалардың әсерінен біртіндеп мономерлерге дейін ыдырайды. Аталған ферменттердің генетикалық детерминирленген ақаулары кезінде, белокты- көмірсулы комплекстің ыдырауы бұзылады және олар лизосомаларда жиналады, осының салдарынан мукополисахаридоздар дамиды. Мукополисахаридоз кезінде ақыл- естің дамуы бұзылады, қан тамырлары зақымданады, көздің қасаң қабығы бұлыңғырланады және сүйек қаңқасы деформацияланады. Гликопротеидтердің ыдырауы толық зерттелмеген. Гликозаминогликандар (ГАГ) β-гиалуронидаза ферментінің әсерінен деполимеризацияланады, гликозаминогликандар тізбегі құрам бөліктеріне яғни, жеке дисахаридтерге бөлінеді.. әрі қарай, дисахаридтер β-гликозидаза әсерінен урон қышқылдарына, гексозаминдерге және күкірт қышқылына ыдырайды. Урон қышқылдары мен гексозаминдердің біразы гликопротеидтердің синтезіне жұмсалуы мүмкін, ал біразы (СО 2 , Н 2 О, NН 3 ) соңғы өнімдерге дейін тотығады, біреулері өзгеріссіз күйінде зәрмен бөлінеді. Кейбір ГАГ-тар кейде, ыдырамастан бөлініп шығады. 216 ГАГ- тар, белоктар құрамындағы көмірсулар, дәнекер тіндердің маңызды құрам бөліктері болып табылады. Сондықтан, олардың алмасуы бұзылғанда (синтезделуі немесе ыдырауы) дәнекер тіндерде аурулардың пайда болуына әкеліп соғады. Атап айтатын болсақ, коллагеноздар: ревматизм, туберкулез, артриттер, жүйелі қызыл жегі дамиды. [38]. жүктеу/скачать 7,9 Mb. Достарыңызбен бөлісу:
|