| Науқасты бауыр, өт қабы, ұйқы безі, көк бауыры УДЗ- не дайындау
Зерттеу алдында 2-3 күн бұрын ішті кептіретін (газ тудыратын), тағамдарды қабылдамау керек (шикі жеміс жидектер, сүт). 2-3 күн бұрын белсендірілген көмір күніне 3 рет қабылдау. Науқастың 10 кг салмағына 1 таблеткадан есептеледі. Тексерілетін күні ашқарынға келу. Дәрілерді қабылдамау.
Науқасты бүйректің және жатырдың УДЗ зерттеуіне дайындау
Науқас 20 минут аралығында 1- 1,5 л сұйықтықты ішіп, толық қуықпен зерттеу.
Функциональды әдістер
Спирометрия- спирометр көмегімен өкпе көлемдерін өлшеу.
Қалыпты көрсеткіштері:
1. Өкпенің өмірлік сиымдылығы ерлерде = 3500-4500 куб. см.
2. Өкпенің өмірлік сиымдылығы әйелдерде = 2500-3500 куб. см.
Спирография - тыныс көлемдерін және өкпе желденуі көрсеткіштерін сызық түрінде жазу.
Спирометрия және спирография көмегімен анықталатын көрсеткіштер:
Тыныстық көлемі- қалыпты жағдайда демді ішке алғанда, не сыртқа шығарғандағы ауаның көлемі, орташа есеппен 500 мл шамасында – /300- 900 мл/.
Қосымша көлем - /ауаны ішке алудың қосымша резерві/ демді қалыпты алғаннан кейін тағы да ішке тартуға болатын ауаның көлемі. Шамамен 1500 мл.
Резервтік көлем - ауаны сыртқа шығарудың қосымша резерві. Шамамен 1500 –2000 мл.
Тыныстық ауа, қосымша және резервтік көлемдердің қосындысы өкпенің тіршіліктік сиымдылығы /ӨТС/ деп аталады. Шамамен 3700 мл.
Қалдық ауа /қалдық көлем/ - ауаны өкпеден максимальды /барынша/ шығарғаннан кейін өкпеде қалатын ауаның көлемі.Шамамен 1000 мл.
Өкпенің жалпы максимальды сиымдылығы - тыныстық, қосымша, резервтік, қалдық көлемдердің қосындысы және 5000-6000мл құрайды.
Достарыңызбен бөлісу: |
