Интернетте аңду Wayback Machine – уеб-беттердің ескі нұсқаларын мұрағатқа жинайтын ком-
мерциялық емес іздеу роботы. 2014 жылы ол әлеуметтік медиадағы мына постты
сақтады: «Торез қаласының маңында жаңа ғана АН-26 ұшағын атып түсірдік. Ол
«Прогресс» шахтасының маңында жатыр. Біздің әуе кеңістігімізде ұшпасын деген
ескерту жасадық. Мұны растайтын бейнежазба бар. Ұшақ үйілген қоқыстың үсті-
не құлады. Адам тұратын аймақтарға зақым келген жоқ. Бейбіт азаматтар зардап
шекпеді».
Бірнеше минуттан соң, халықаралық жаңалықтар Малайзия әуе компаниясының
MH17 ұшағының Украина әуе кеңістігінде атып түсірілгенін және ұшақтағы 298 ада-
мының қаза тапқанын хабарлады. Бұл дәл сол ұшақ болуы мүмкін бе? Әлеуметтік
медиадағы посттарға жауапты топтың әкімшілігі солай ойлағандай көрінді.
Азаматтық авиация апаты туралы жаңалықтар шыққан кезде, әлгі топ өз постын өші-
ріп тастауға тырысты. Алайда олар интернет архивіндегі скриншотты өшіре алмады.
