Иван Великий қоңырауханасы (1505-1508, 1600 ж.) Сәулетшісі Бон Фрязин Мәскеу кремлінің шығыс жағынан собор алаңын Иван Великий
қоңырауханасы мен Иван Лествичник шіркеуі алып жатыр. 1505-1508
жылдары сәулетші Бон Фрязин ағаштан жасалған ескісінің орнына,
күмбезі жоқ (60 м) қоңыраухана тұрғызды. Ол күзет мұнарасының
да қызметін атқарды.
1600 жылы аяқталмай қалған, үстіңгі цилиндрлі қабаты
қоңыраухана биіктігін 81 метрге дейін ұлғайтты. Қоңыраухананың
ерекше пішіні мен көлемі, конструкцияның мықтылығын қамтамасыз
ететін батыл техникалық шешімдерді қажет етті.
Төменгі қабаттағы қалыңды 5 метр болатын кірпіш қабырғалар
темірмен байланыстырылды. Шығыңқы ірге мен іргетасы
үгітілген ақ тас қосылған әк қоспамен құйылды. Іргетас тұтас
ойылған сатылы пирамида тәрізденіп, тереңдігі 10 метрге дейін
түскен. Иван Великийдің жоғарғы қабаттары жеңілдетілген алып
бағаналары, сегізқырлы қабырғалардың бұрыштарын берік ете
түсетін қалақтармен бөлінген. Көлденең белдеулермен қоса олар
композицияның көп қабатты екендігін көрсетіп, имараттың жүйелі
құрылымының бірегейлігін айқындайды.
