96
Ж – дәрілік затты таңдауда қорытынды кезең болатыны,
таңдалған препарат туралы қысқа түйін жазылады (препарат туралы
құжаттама құрастырылады). Препаратқа жазылған түйін үш негізгі
бөліктен тұрады:
1.
Белсенді әсер етуші зат, дәрілік түрі.
2.
Қолданудың стандартты сызбасы.
3.
Емдеудің стандартты ұзақтығы.
Мысалы:
1.
Азитромицин, таблеткалар.
2.
Тәулігіне 500 мг 1 рет.
3.
3 күн бойы (үш күннен кейін міндетті түрде антибактериалды
терапияның клиникалық тиімділігіне баға беріледі).
Ж – дәрілік затты таңдаудың жоғарыда аталған кезеңдеріне
сүйене отырсақ, қарастырылған аурулардың және әр түрлі емдеу
мақсаттарының жоғарылауына байланысты, дәрілік заттардың жеке
тізімі тұрақты кеңейіп отырады. Көптеген дәрілік заттар тек бір
ғана көрсеткіш бойынша қолданылмайды, сондықтан таңдауды
жеңілдетуге болады. Дәрілік зат туралы ақпаратты қайталап жазбау
үшін, әрбір қарастырылған дәрілік затқа жеке формуляр құрастыру
қажет. Формулярға дәрілік зат туралы барлық қажетті ақпарат
енгізіледі (1 қосымшаны қараңыз). Әрбір қолданылған дәрілік
препаратқа жеке формулярды құрастыру, келешекте, белгілі
пациентті емдеуде әр түрлі клиникалық жағдайларда, анықталған
дәрілік затты таңдау үрдісін жылдамдатады.
Достарыңызбен бөлісу: 
