Пленарлық баяндамалар
жүктеу/скачать 9,68 Mb. Pdf көрінісі
|
Халықаралық пед. оқу. жинагы 10-11.04 2024 (1)
- Бұл бет үшін навигация:
- КОЛЛАБОРТИВТІ БІЛІМ БЕРУ ОРТАСЫНДАҒЫ ЦИФРЛЫ ПЕДАГОГ: ӘЛЕМДІК ТӘЖІРИБЕ, ИННОВАЦИЯЛЫҚ ӘДІСТЕМЕ ЦИФРОВОЙ ПЕДАГОГ В КОЛЛАБОРАТИВНОЙ ОБРАЗОВАТЕЛЬНОЙ СРЕДЕ
- МИРОВОЙ ОПЫТ, ИННОВАЦИОННЫЙ МЕТОД 323 ӘОЖ 37.013.46 БІЛІМ БЕРУ САЛАСЫН ИННОВАЦИЯЛАНДЫРУ Турсынбеков Д
| КОЛЛАБОРТИВТІ БІЛІМ БЕРУ ОРТАСЫНДАҒЫ ЦИФРЛЫ ПЕДАГОГ:
ӘЛЕМДІК ТӘЖІРИБЕ, ИННОВАЦИЯЛЫҚ ӘДІСТЕМЕ ЦИФРОВОЙ ПЕДАГОГ В КОЛЛАБОРАТИВНОЙ ОБРАЗОВАТЕЛЬНОЙ СРЕДЕ: МИРОВОЙ ОПЫТ, ИННОВАЦИОННЫЙ МЕТОД 323 ӘОЖ 37.013.46 БІЛІМ БЕРУ САЛАСЫН ИННОВАЦИЯЛАНДЫРУ Турсынбеков Д . Д . М.Х.Дулати атындағы Тараз өңірлік университеті, аға оқытушы, Тараз қ. Қазақстан Республикасының Президенті Қ.К.Тоқаевтың 2022 жылдың 16 наурыздағы Қазақстан халқына жолдауында елдің дамуының негізгі бағыттарының бірі ретінде Қазақстанда адам капиталының сапалы өсуі атап көрсетілген.[1]. Тәуелсіз мемлекеттің алға қойған басты мақсаты – ел экономикасын дамытып, халықтың әлеуметтік - тұрмыстық жағдайын жақсарту екені анық. Осы тұрғыдан қарағанда жарқын болашаққа үміт артқан Қазақстан жас мемлекеті үшін білім беруде жастарды білікті ету саясатын дұрыс жолға қоюдың маңызы зор. Елдің ертеңгі тізгінін ұстар жастардың білімді болуы – баянды да бақытты болашақ кепілі. Қазақстан Республикасының әлемдік отыз өркениетті елдер қатарына кіріуіне қатысты білім беру саласына қойылып отырған талап - осы заман талабына сай шығармашылықпен жұмыс істей алатын, бәсекелесуге қабілетті тұлғаны тәрбиелеуді қалыптастыру. Бәсекеге қабілеттілік – ел экономикасының халықаралық жүйеде , бүкіл әлемдік нарықта белгілі бір орынға ие болып, әрі жаһандық ықпалдасу кезеңінде жоғары деңгейіне жетуімен анықталады. Бұл бәсекелестік жаһандық ықпалдасу кезеңінде білім мен ақпаратқа негізделген постиндустриялық қоғамды құруға жетелейді. Демек, мемлекет өзінің экономикалық , саяси деңгейін жоғарылату үшін бәсеке сай ортада қабілеттілігін арттыру үшін білім беру саласын инновациялық технологиялармен ақпараттандыруы қазіргі заманның талабы екені анық. Қазір мемлекет халықаралық нарықта бәсекелесуге қабілетті болса, онда сол мемлекет дамыған елдер қатарына кіре отырып, постиндустриялық қоғамда өмір сүреді. Постиндустриялық қоғамнан нелерді аламыз дегенде, басты мәселе – білім мен ақпарат. Демек, қазіргі қоғамда бәсекелесуге қабілеттілікті арттыру үшін білім беру саласында инновациялық және ақпараттық технологияны қолдану негізгі міндет. Сондықтан Қазақстан үшін білім беру саласын қызмет көрсету саласымен ұштастыру маңызды міндет болып тұр. Себебі қашықтан білім алу мен қашықтан оқыту технологияларын дамыту қазіргі бәсекелесті қоғамның ең басты талабы болып табылады. [2]. Бүгінгі жағдайда еліміздің білім және ғылым жүйесін Президенті Қ.К.Тоқаевтың Қазақстан халқына арнаған «Болашақтың іргесін бірге қалаймыз» атты жолдауында атап көрсеткен «Біз білім беруді жаңғыртуды одан әрі жалғастыруға және университеттік білім беру мен ғылымды дамытудың жаңа деңгейін қамтамасыз етуге міндеттіміз», айтқан ауқымды міндеттер тұр. Сонымен бірге, Президент «Сапалы білім беру Қазақстанның индустрияландырылуының және инновациялық дамуының негізіне айналуы тиіс» деген. Сондықтан да еліміз дамуының қазіргі кезеңінде техника мен технологиялар саласында деңгейі әлемдік стандарттарға сай келетін жаңа формацияның инженерін дайындау бұрынғыдан да өзекті болып отыр. Солар ғана техникалық ғылымды жетілдіруді, өндіріске инновацияны енгізуді, қарқынды индустриялық - инновациялық даму бағдарламасын жүзеге асыруды қамтамасыз ете алады. Қазақстанда шығарылған тауар мен қызмет нарығының бәсекеге қабілеттілігін арттыру және ғылыми негізделген өндірістің санын айтарлықтай көбейту «Үдемелі индустриялық - инновациялық даму бағдарламасының» басты мақсаттары ретінде айқындалып отыр. Оларды «білім үшбұрышының» үш шыңын - білімді, зерттеуді және инновацияларды тиімді әрі үйлесімді дамыту арқылы ғана нәтижеге жетуге болады. Білім беру саласында қазіргі заманғы өндіріске қажет және олардың білімі мен біліктілігі қойылатын жоғарғы талаптарға сай мамандар даярлау міндеті тұр [3] Президенттің Қазақстан халқына жолдауында мемлекетіміздің дамуындағы білім мен ғылымның рөліне ерекше тоқтала отырып, нарық сұраныстарына бейімделген жоғарғы оқу орынының инновациялық үлгісін құруға шақырады. Бұл міндеттер уақыт талабына сай туындап отыр және маман дайындау жүйесінде сапалық өзгерістер жасауды қажет ететін еліміздің инновациялық дамуымен тікелей байланысты [4]. Президенттің «Білім беру саласын инновацияландыру» арқылы ғана бәсекелесуге қабілетті мамандарды дайындауға болады деген жолдауын , іске асыру мақсаты мен М.Х.Дулати атындағы Тараз өңірлік университеті Дене шынықтыру және алғашқы әскери дайындық факультетінің «Алғашқы әскери дайындық» кафедрасында бір қатар шаралар зертеліп және іске асырылып отыр. |