Арнайы күндегі әйелдің баласын емізуі туралы Нифас және хайыз – Аллаһ тағаланың қалауымен
әйел баласына берілген ерекшелік. Әйел баласы бұл
жағдайдан өз қалауымен құтыла алмақ емес. Бұл табиғи
заңдылық әрі белгілі бір жасқа дейін жалғасатын
әрі уақыты жеткенде мүлдем тоқтайтын құбылыс.
Арнайы күндерінде әйел баласы әрдайым дәретсіздік
жағдайында болып есептеледі.
Нифас кезеңінде ең әрісі қырық күнге, хайыз
күдерінде ұзақ дегенде он күнге созылатын бұл уақытта
бала емізетін әйелге «әр жолы» дәрет алуын талап ету
дініміздегі жеңілдікті таңдау басымдығына қайшы
келетіндігі анық. Қала берді мұндай күндерде әйел,
қанша жерден дәрет алса да діни тұрғыдан «таза» са-
налмайды. Дін әрбір жанның құлшылық борыштарын
табиғи болмысына жат болмайтындай негізде орындай
алатын үкімдер болып табылады. Бұлардың орындалу-
ын қиындатуға, жүзеге аспастай ауырлатуға ешкімнің
хақысы жоқ. Сондықтан да әйел арнайы күндерінде
баласын тек қана омырауының ұшы мен қолын жуып
емізуі жеткілікті саналады. Хайыз күндері біткенде,
яғни діни тұрғыдан «таза» болып саналатын уақытта
әйелге баласын дәретсіз емізбеуі абзал екендігін айта
кеткен жөн. Мұндай ұқыптылық, баланың болашағы
үшін өте маңызды.
