Исламдағы тазалық қамтиды. Әрбір адамның табиғи хақтары немесе
құқықтары бар. осы хақтармен бірге адам баласының
міндеттері де қарастырылған. Басқа адамның хақтарын
бұзбау осындай міндеттер санатына жатады. Құқық
әрқашан бейбіт өмірдің кепілі. Басқа жанның құқығын
аяққа таптаған жан қоғам тарапынан жазаға тартылады,
бұл дүниеде жазаланбаса о дүниеде есебін беретіндігі
сөзсіз. Мүмин қоғамдық ортада басқаларының
құқықтарын бұзбауға және тиісінше құқықты қорғауға
күш салуы қажет.
даналық (хикмет) Даналық – ілім мен амалдың бірлесуінен туын-
дайтын, дәрежесі өте жоғары сипат болып табылады.
Білмейтін немесе білгенімен амал жасамайтын мүмин
хикмет иесі бола алмайды. Барлық нәрсенің асылын
немесе ақиқатын үйрену үшін қол жеткізген ілімді де
хикмет деп атайды. Ахлақ және мәні терең насихаттар
да хикмет. Хикмет иесінде кез-келген жайдың астарын,
мән-мағынасын ұғыну, түсіну, түйсіну қабілеті болады.
Құранда: «Хикмет (даналық) берілген жанға расында көптеген ізгілік берілген» 179
, – делінген.
