Он бірінші тақырып. Педагогтың даярлық жүйесіндегі педагогикалық практика (сараман).
Мақсаты: педагогикалық мамандықтар жүйесіндегі әрбір курстың сараман жүйесімен, оның мақсат-міндеттерімен таныстыру.
Жоспар.
Педагогикалық сараман міндеттері.
Педагогикалық сараманның мазмұнының ерекшеліктері.
Педагогикалық сараманды басқару.
Педагогикалық практика.
Практика – қоғам дамуын қамтамасыз ететін адамдар іс-әрекеті.
Алынған теориялық білімді терең меңгеру, білік пен дағдыны қалыптастыру, теория мен практиканың байланысын жүзеге асыруда алынған білімді бекіту, педагогикалық практиканың құбылыстарын талдау қажет. Педагогикалық практика мұғалімнің кәсіби дайындық жүйесінде маңызды функцияларды орындайды:
оқытушы (теориялық білімді өзектілеу, тереңдету және кеңейту, нақты педагогикалық міндеттерді шешуде оларды қолдана білу, педагогикалық білік пен дағдыны қалыптастыру);
дамытушы (болашақ мұғалімнің танымдық және шығармашылық белсенділігін дамыту, педагогикалық ойлауды дамыту);
тәрбиелеуші (мұғалімнің әлеуметтік-белсенді тұлғасын, мұғалім мамандығына тұрақты қызығушылығын, сүйіспеншілігін қалыптастыру);
диагностикалық (болашақ мұғалімнің кәсіби бағытталу деңгейін тексеру, кәсіби дайындық деңгейін және педагогикалық қызметке жарамдылығын тексеру).
Студенттердің педагогикалық практикасы оқу-тәрбие процесінде маңызды орынға ие. Оның төменгі курстардан жоғарғы курстарға қарай мазмұнының күрделенуіне сәйкес ол болашақ мұғалімнің теориялық және практикалық дайындығын байланыстырушы болып табылады.
«Педагогика және психология» мамандығы бойынша төмендегідей практика жоспарланған:
Достарыңызбен бөлісу: |
