Өзін-өзі тәрбиелеу – адамның өзін-өзі дамытуға, өз білімін, жеке бас қасиеттерін жетілдіруге бағытталған саналы, мақсатты іс-әрекеті.
Педагогикалық процесс – жеке тұлғаны жан-жақты жарасымды дамыту үшін мұғалім мен оқушының, тәрбиелеуші мен тәрбиеленушінің бірлестікте, ынтымақтастықта,өзара байланысты, мақсатты, бағытты жүргізетін қызметі, немесе тәрбиеші мен тәрбиеленушілердің арнайы ұйымдастырған, жүйелі, белгілі мерзімде дамитын, алға қойылған мақсатты орындауға бағытталған және тәрбиеленушілердің жеке тұлғалық қасиетін қалыптастыратын әрекеттестігі.
Тәрбие жүйесі – комплекс; ол осы мақсаттарды жүзеге асырушы субьектілерді, іс-әрекеттер, қарым-қатынастарды, тәрбие ортасы мен тәрбиені басқару, осы жүйенің дамуын жүзеге асырады.
"Оқушы тұлғасы орталыққа айналып, ал педагогикалық әрекеттер күннің айналасындағы планеталар секілді оның айналасына шоғырландыра жүргізіледі". (Джон Дьюи АҚШ психологы)
