Пәні бойынша «050117»- «Қазақ тілі мен әдебиеті», мамандығының 3 курс студенттерінің білімін бақылауға арналған

Студенттердің білімін бақылау, бағалау: СӨЖ, тестілік бақылау (Т), рефераттар (Р), коллоквиум (К), глоссарий (Г) т.б. оқытушыға тапсыру кестесі әр аптаның

сейсенбі – 15⁰⁰ – 16⁰⁰ – 42 ауд.

Жұма – 15⁰⁰ – 16⁰⁰ – 42 ауд

күндері жүргізіледі.
Қолданылатын әдебиеттер тізімі.
Негізгі:

1. Б. Адамбаев «Халық даналығы» А. 1976ж.

2. Н.ТөреқұловМ.Қазбеков. Қазақтың би шешендері

3. С.Негимов Шешендік өнер А.1997ж.

4. М.Шындалирова Шешендік пен ақындықтың дәстүрлі байланысы А.1996ж.

5. Б.Шканова Шешендік сөздердің жанрлық ерекшеліктері. А.1995ж.

6. Н.Төреқұлов Ақыл сөздердің мәні.А.19971.

7. З.ҚабдоловСөз өнері. А.1992ж.

8. Ж.Дәдебаев Шешендік сөздер А.1993ж.

9. Ғ. Жандыбаев Сөз мәйегі. А.1998ж.

10. М.Жармұхамедов Шешендік өнер А.1998ж

қосымша:

5. 
   Р.Бердібаев «Кәусар бұлақ» А1989ж.
   
6. 
   С.Қасенов Шешендік тәсілдер.А.1999ж.
   
7. 
   І.Есқожин Шешендік жырлар. А.1993ж.
   
8. 
   С.Садырбаев Халық әдебиетінің тарихи негіздері. А.1992ж.
   
9. 
   Даналардан шыққан сөз А.1987ж.
   

“ Қазақ тілі мен әдебиеті” мамандығы, 3-курс, 5- семестр, 45 сағат

1. Б. Адамбаев «Халық даналығы» А. 1976ж.

2. Н.ТөреқұловМ.Қазбеков. Қазақтың би шешендері

3. С.Негимов Шешендік өнер А.1997ж.

4. М.Шындалирова Шешендік пен ақындықтың дәстүрлі байланысы А.1996ж.

5. Б.Шканова Шешендік сөздердің жанрлық ерекшеліктері. А.1995ж.

6. Н.Төреқұлов Ақыл сөздердің мәні.А.19971.

7. З.ҚабдоловСөз өнері. А.1992ж.

8. Ж.Дәдебаев Шешендік сөздер А.1993ж.

9. Ғ. Жандыбаев Сөз мәйегі. А.1998ж.

10. 
    Р.Бердібаев «Кәусар бұлақ» А1989ж.
    
11. 
    С.Қасенов Шешендік тәсілдер.А.1999ж.
    
12. 
    І.Есқожин Шешендік жырлар. А.1993ж.
    
13. 
    С.Садырбаев Халық әдебиетінің тарихи негіздері. А.1992ж.
    
14. 
    Даналардан шыққан сөз А.1987ж.
    

№1

Қазақтың дәстүрлі халық поэзиясында толғаудың екі түрі бар: шешендік толғау, ақындық толғау. Әдетте шешендік толғау мазмұны жалпы, көлемі қысқа келеді, мақал, нақыл сөздерге бай болады. Ал ақындық толғау оған қарағанда әлдеқайда көлемді, мазмұны тұтас келеді. Шешендік толғаулар қысқа-қысқа қағида, ереже сияқты болса, ақындық толғаулар белгілі бір елдің, халықтың шежіресі іспетті. Әрине, бір елдің тарихына шолу жасап, болашағына көз тастау үшін, ақын (шешен) сөз зергері болудың үстіне өмірлік тәжірибесі мол ақыл-ой иесі, өз заманының білімді, парасатты азаматы болуы тиіс. Сонда ғана ол маңызды уақиғалардан дұрыс қорытынды жасайды, қоғамдық қозғалыстың дамуын, барысын бағалай, бағдарлай алады, халықтың тынысын тыңдап, тілегін білдіреді. Өздері өмір сүрген дәуірдің, қоғамның жыршысы, мұңшысы ретінде есімдері елдің есінде сақталған Асан қайғы, Бұхар жырау, Махамбет ақын — міне, сондай адамдар болған.

Қазақ ауыз әдебиетінің бір түрі — шешендік өнері. Шешендік өнер — ақындық айтыс секілді қазақ ауыз әдебиетінің өзіндік ерекшелігін көрсететін негізгі жанрларының бірі.

Жазушылардың, лекторлардың үгітшілердің шеберліктерін, жалпы тіл мәдениетін жетілдіру үшін ежелгі шешендік сөздерді оқып үйренудің мәні зор. Өйткені халық даналығы: мақал, мәтел, нақыл сияқты ойды кеңейтіп, тілді байытатын шешендік сөз нұсқалары көп.

Әдетте шешендік өнер айтыс-дауларда туып дамиды. Сондықтан елдің, ердің тағдыры сарапқа түсетін, соғыс-бітім секілді манызды мәселелер сөз болатын сот залдары, парламент сарайлары, сондай-ақ неғұрлым халық көп жиналатын астар мен тойлар, міне, сондай сарабдал шешендер мен саяси қайраткерлер сөз сайысына түсетін, сыннан өтетін және шынығып шыңдалатын орындар — форумдар болған. Есімдері әлемге әйгілі тілмаш шешендердің, көбінесе, мемлекет қайраткерлерінен, заң қызметкерлерінен, парламент мүшелерінен шығатыны кездейсоқ емес. Мәселен, ежелгі Афин (грек) шешені Демосфен, Рим шешені Цицерон әуелі адвокат, кейін парламент басшылары болған. Ал XIX—XX ғасырларда өмір сүрген орыс шешендері П. А. Александров, Ф. II. Плевако, А. Ф. Кони адвокаттар еді. Сол сияқты белгілі қазақ шешендері: Төле Әлібекұлы (1663—1756), Қазыбек Келдібекұлы (1667- 1764) және Әйтеке Бәйбеқұлы (1682—1766) дау-жанжалды шешетін билер болған.

Қазақ шешендік өнерінің жалпы шешендік өнерден өзіндік ерекшеліктері бар. Ең алдымен, қазақ шешендерінің сөздері ауызекі айтылып, ауызша таралған, қағазда емес, халық жадында сақталған. Сондықтан да олар бастапқы калпында емес, бізге, кейінгі ұрпаққа ұзын-ұрғасы, үзік-жұрнағы, ғана жеткен, олардың өзі де ауыздан-ауызға ауыса жүріп өңдеу-жөндеуге ұшыраған, әлденеше үрпақтың, талай таптың санасынан, сарабынан өткен, сөйтіп, қысқарып, ұстарып жалпы халық шығармасына айналған.

Шешендік сөздер қазақ ауыз әдебиетінің басқа түрлері сияқты ауызша шығып, ауызша таралған дедік. Қонақта, немесе бір мәселені талқылау үстінде көп жасаған, кәрі құлақты қариялардың, аузынан шыққан жүйрік ойлы, жүйелі сөздерді құйма құлақ талапты жастар, өнер қуған қыз-бозбала жаттап алып, жүрген-тұрған жерлерінде, ойын-жиындарда айта жүрген. Өзінің қажетіне, өмірдің тілегіне қарай өзгертіп-құбылтып, жаңар-тып жанғыртып отырған. Қажетсіз кабыршағынан арылып, селкеу қағылған арқауы ширап, көптің, көкейіне қонақтаған үлгілі сөз ғана сақталып өмір сүрген. Мазмұны мен көркемдігі сай келмеген сөздер қолданудан шығып қалып, өмірдің елеусіз қалдыратын қатал үкіміне ұшыраған. Заман тілегіне, халық мүддесіне жауап беретін талы сөз, ақылды ойлар ғана жасаушысы халықпен бірге жасап, ұдайы жаңғырып, жасарып отырған. Бірақ бұдан бізге жеткен шешендік сөздердін бәрі бірдей халықтық, идеясы дұрыс, көркемдігі ақау сый деу кате болар еді.

Шешендік өнердің негіздерін зерттеу белгілі бір дәрежеде оның қалыптасу тарихына жетелейді.

Шешендіктің қалыптасу тарихы, әрине, күрделі мәселе. Осы мәселе төңірегінде, яғни шешендіктің қалыптасу тарихына, қызметіне, қоғамдық -әлеуметтік сипатына, түріне, сөйлеу әрекетіне қатысты көптеген шешімін табуға тиісті мәселелер бар. Олар:

1. 
   Шешендік дегеніміз не? Оның ғылыми анықтамасы, сипатын, статусын қалай түсінеміз? Бүгінгі күнмен салыстырғанда шешендік қандай ұғамдарға негізделу керек? 2) Шешендік өнердің тарихы қай дәуірден басталады және ол қандай кезеңдерден өтті? 3) Шешендік өнер әдеби тіліміздің қалыптаснуын қалай әсер етті? 4) Ұлттық дәуірге дейінгі шешендікті фольклор тілінен, сөйлеу тілінен, тасқа қашалған жазба ескерткіштер тілінен, сөйлеу тілінен, тасқа қашалған жазба ескерткіштер тілінен, ақын-жыраулар шығармалары тілінен таба аламыз ба? 5) Шешендікті тарихта болған белгілі билер сөзіне байланысты ғана қарастыруымыз керек пе? 6) Орта ғасырдан бізге жеткен жазба мұраларда шешендік сөзге үлгі боларлық материалдар бар ма? 7) Халық тарихында орын алған қилы-қилы кезеңдерде шешендік өнер қалай дамыды? Өкілдері кімдер№ 6) Дарынды интелекткөрнекті ақын-жазушы, мрәдениет қайраткерлерінің шешендік өнерді дамытудағы ролін қалай бағалау керек? 9) Қазіргі кезгі дегеніміз не? 10) Қазіргі шешендікті арнаулы топ өкілдеріне ғана теліп қаю керек пе, әлде көпшіліктің міндетіне жатқызамыз ба?
   

Екінші мәселе – шешендік деген ұғымнаң тарихи категория екендігі. Ол халықтың әлеуметтік өміріне, саяси-эконрмикалық жағдайына байланыста дамып, кемелденіп отырған. Осыған орай оның дамуы кейде кеңейіп кейде бәсең, қоғамдық қызметінің қоғамдық қызметінің шеңбері кейде кеңейіп, кейде тарылып отыруы мүмкін. Кезінде қазақ әдеби тілінің ұзақ тарихын ұлттық сатыға дейінгі және ұлттық сатыдан кейінгі деп 2 кезеңге бөліп қарағаны дұрыс сияқты. Бұл принцип қоғамдық формацияның ауысуы мен халықтың азаматтық тарихын ескеруден келіп шығады.

Үшінші қазақ халқының шешендік өнерінің тарихы сол хылқының шешендік нерінің тарихы сол халықтың әдеби тіліне қатысты болуы мүмкін екендігі. Бұл қатыстылық ең алдымен шешендіктің әдеби тіл арқылы жүзеге асатындығынан туындауы қажет. Тарихымызда әдеби тілдегі шешендік акыз әдебиетіміз, сондай-ақ авторы белгілі жазба мұраларымыз, билер сөзі, ақын-жырау шығармалары арқылы көрінеді.

Сондықтан шешендіктің тарихын зерттеу барысында әдебиеттану ғылымын ұштастырып зерттеу қажеттігі туындайды. Өйткені қазақ шешендік өнеріміздің жеткен шыңы мен басып өткен жолының қыр-сырларын тек әдеби тілдің тарихын сөз ете отырып тарихи тұрғыдан қарастырғанда ғңана дұрыс тани аламыз. Шешендік өнер сол тілде сөйлеуші халықтың тарихымен, экономиканың саяси әлеуметтік жағдайларымен тікелей байланысты.

Халқымыз қашаннан-ақ асыл сөзді – қазынам деп, өнегені - өрісім деп таныған. Ұшқыр лебізге ұйып, уытты сөзден ығып, ұтымды пікірге тоқтап үйренген ұлтымыз ел басқарған көсемдердің кесімдерлері бүгінгі буынға дана сөз болып жетіп жатыр.

Шешендік өнерді пән ретінде оқытудашғы мақсатымыз – дәстүрлі шешендікпен қатар, ертеде ел өмірінде ғасырлар бойы қолданылған салт-дәстүрлеріміздегі жұмбақтардағы, айтыстардағы, салт-тұрмыс жырларындағы шешендік сөздердің мән-мағанасын ашып, ұмыт болғандарын еске түсіріп, көшпенді халықтың мұрагері, бүгінгші ұрпақтың бойына атадан қалғанасыл сөздерді сіңіру.

Шешендік сөздер қа халақ өмірімен тығыз ьайланысты туатындықтан үйлену дәстүрі, жөн-жоралғыларындағы сөз өнерімен бір-екі мысал келтірейік. “Қыз көру, не жар таңдау”. Сұлулыққа жаны үйір халқымыздың ғасырлар бойы ерге адал жар, сенімді серік болар қыз іздеген, осыдан халық араснда: “Тегіне қарап қызын ал”, “соғуына қарап қару ас, көріп алған көріктіден, көрмей алған текті артық”, “шешесін көрде қызын ал, аяғын көріп асын іш” деген сз тіркестері қалған.

“Қыз айттыру”. Жігіт өзіне ұнаған қыздың әкесіне жаушы етіп жөн – жосықты білетін, сөзге шешен, әзілге жүйрік адамды жібереді. Міндеті қыздың әкесі мен шешесін көндіріп, қызға құда түсіп қайту.

Елдестірмек елшіден,

Жауластырмақ жаушыдан.

Құсқа салған аңшымын,

Сізде қыз бар, бізде ұл бар

Қызыңа келген жаушымын

/”Алпамыс батыр” жырынан/

“Той бастар”, “Беташар”, “Көрісу” жырларындағы шешендік.

Дәсүрімізде науқастың көңілін сұрау, басына іс түскеннің көңілін аулау шешендік сөздерде де болады.

Аурудың көңілін кім ашар,

Хан сұраған тең ашар.

Көңілін аулау

Жаңылмайтын жақ болмас,

Сүрінбейтін тұяқ болмас.

Қазақ салтында “Сәлем сөздің анасы” деп Бұқар жырау атқандай, шешендік сәлемнің де неше түрі бар. “Қамбар батыр” жырындағы Келмембеттің Әзімбайға, Жәдігердің Қамбарға, Қамбардың Қараманға тұспалдап айтатын сөздері оған мысал бола алады. Сол сияқты Біржанның Сараға сәлемдесуі.

Шешендік сын. Шешендік ақыл. Шешендік нақыл. Шешендік өсиет. Шешендік жұмбақ.

Шешендік өнер қазақ елі жағдайында жас буынды тәрбелейтін түрлі мектеп іспетті болған. “Баланы жастан” деп билік жолын ұстау атадан балаға мирас ретінде қалып отырған.

Таудың аласармауын, бұлақтың сарқылмауын мұрат тұтқан әр би өзінен кейінгі ұрпақтың да ел ұйытқысы боларлықтай азаматтар болуын ешқашан қаперінен шығармаған Мүмкіндігінше өз балаларының бірін болмаса ат аяғы жетер жердегі көкірегінде сәулесі, көзінде оты бар жастарды шала қия биіктен танып, тәрбиелеп, баулып, баққан. “Өсер елдіғң баласы – он бесінде баспын дейді, өспес елдің баласы – он бесінде жаспын дейді” деген ситяқты мақал-мәтелдерді шығарып, баланы он бес жастан ел билігіне, дау-шардың шешімін айтуға баули бастаған.

Ұлттық дәстүр, әдет-ғұрып, тұрмыс-салт жырларында, қазақтың қара өлеңі, ертегі, аңыздарда, айтыста, мақал-мәтел, жұмбақтардағы шешендік үлгілерінің тәрбиелік мәні ерекше.

Бақылау сұрақтары

1. Шешендік қазақ халқының ежелден келе жатқан дәстүрлі тіл өнері.

2. Шешендік өнері қазақ халқының құнды мұрасы.

3. Қазақ ауыз әдебиетінің бір түрі – шешендік өнер.

4. Қазақ шешендік өнерінің жал пы шешендік өнерден өзіндік ерекшелігі.

5. Шешендік өнердің қоғамдық әлеуметтік сипаты.

6. Шешендік өнердің басқа ғылым салаларымен байланысы.

7. Шешендік өнердің құрылысы.

8. Шешендіктің белгілері

9. Шешендікке қойылатын талаптар

10. Шешендіктің алғы шарты

11. Бөлтірік шешен сөздерінің құрылысы

12. Қазбек би сөздерінің мазмұны

13. Досбол бидің тапқырлығы

14. Әйтеке бидің тапқырлық сөздері

15. Жетес бидің Абайға айтқандары

16. Бата берудегі шешендік.

17. Шешендік сын.

18. Шешендік өнердің табиғаты

20. Қазақ ауыз әдебиетінің бір түрі — шешендік өнер.

21. Шешендік өнер туралы жалпы түсінік.

Студенттердің аудиторияда орындайтын тапсырмалары

1. 
   Шешендік өнердің қалыптасуы.
   
2. 
   Шешендік арнау сөздер.
   
3. 
   Шешендік нақыл.
   

1. Шешендік өнердің табиғаты

2. Қазақ ауыз әдебиетінің бір түрі — шешендік өнер.

3. Шешендік өнер туралы жалпы түсінік.

4. 
   Сұрақ-жауап.
   

№2