Хакім «толық адам» болудағы басты қажеттілік ақыл, әділет, рақым қасиеттерін аса дәріптейді. Бұл қасиеттер әр адамның табиғатына тән болғанымен, адам бойында еңбексіз, ізденусіз, ғылым-білімсіз орныға алмайтынын ескертеді. Еңбек пен ғылым егіз. Осы екеуіне баланы тал бесіктен-ақ баули білу ата-ананың басты міндеті.
Егер Абайдың «Толық адам» туралы қара сөздерін, негізгі ұстанымдарын жастар толық, жете түсініп меңгерсе, төмендегідей нәтижеге қол жеткізуге болады:
Абай туралы, оның асыл қазынасы туралы білімдері тереңдей түседі.
Білім сапасы артады.
Адамды құрметтеу, оны бағалау сезімдері күшейеді.
Толық адамды үлгі етеді, оған ұқсағылары келеді, алдарына мақсат қояды.
Ұлтжандылық, Отансүйгіштік сезімдері қалыптасады. Азаматтық позициялары беки түседі.
Адамзат баласын құрметтеу, ізгілік пен имандылықты өмірінің мақсаты ете білетін әділ, «халық» деп соққан жүрегі бар жан-жақты тұлға қалыптастыруға қол жеткізуге болады.
