ПӘннің ОҚУ-Әдістемелік кешені «Балалар психологиясы» 5В010100 «Мектепке дейінгі оқыту және тәрбиелеу» мамандығына арналған ОҚу- әдістемелік материалдар



бет10/11
Дата20.11.2016
өлшемі2,03 Mb.
1   2   3   4   5   6   7   8   9   10   11

Әдебиеттер:

1. Балалар психологиясы: оқулық / Ж.Қ.Дүйсенова, Қ.Н.Нығметова / - 2012.

2.Детская психология: учебное пособие /Д.Б.Эльконин; ред.сост. Б.Д.Эльконин .-6-е изд., стер..- / - 2011

3. Возрастная психология: учебник для бакалавров / Л.Ф. Обухова / - 2014

4. Психология детей младшего школьного возраста: учебник и практикум для бакалавров / [Айгумова З.И., Васильева Н.Н., Вачков И.В. и др.]; под общ. ред. А.С.Обухова / - 2014

5. Детская психология: учеб. пособие / Г.А.Урунтаева / - 2013




  1. Курстық жұмыс (проект).

Оқу жұмыс бағдарламасында қарастырылмаған

Курстық жұмысты орындаудағы әдістемелік нұсқаулық

1. Өздігінен білім алу үшін, алдымен сол жұмысқа қажетті нақты дағдыларға (іштей жылдам оқи білу, библиографиялық дағдылар, түрлі анықтама әдебиеттерді пайдалана білу, оқығандарды жазып алу т.б. ) ие болу керек.

2. Біліммен жемісті шұғылдану қолайлы жағдайларды (уақыт, орын, тиісті әдебиеттер мен құралдардың болуы т.б.) керек етеді, ең дұрысы кітапханаларда, оқу залдарында біліммен шұғылдануға дағдылану.

3. Өздігінен білім алатын адам нені оқитынын анық біліп, ол жұмысты белгілі жоспармен, жүйемен жасауы керек.

4.Алғашқы кезде оқытушылардан, тәжірибелі адамдардан, кітапханалардан ақыл-кеңес алудың пайдасы зор.

5. Өздігінен білім алу жұмысын асықпай, көп үзіліс жасамай жүргізген жөн.

6. Оқыған материалды мұқият ұғатындай етіп ұғып, түсінбеген жерлерді қалдырмай, қайталап оқып, оның негізгі жақтарын жазып алу қажет.

7. Анықтама әдебиеттерді, энциклопедияларды, түрлі сөздіктерді қоса пайдаланып отыру керек.


  1. Білімалушының өздік жұмысы (БӨЖ, БОӨЖ)

БӨЖ және БОӨЖ тапсырмаларын орындауға әдістемелік нұсқау.

Білімалушының өздік жұмыстарды орындауларына жалпы кеңестер (нұсқаулар)

1. Өздігінен білім алу үшін, алдымен сол жұмысқа қажетті нақты дағдыларға (іштей жылдам оқи білу, библиографиялық дағдылар, түрлі анықтама әдебиеттерді пайдалана білу, оқығандарды жазып алу т.б.) ие болу керек.

2. Біліммен жемісті шұғылдану қолайлы жағдайларды (уақыт, орын, тиісті әдебиеттер мен құралдардың болуы т.б.) керек етеді, ең дұрысы кітапханаларда, оқу залдарында біліммен шұғылдануға дағдылану.

3. Өздігінен білім алатын адам нені оқитынын анық біліп, ол жұмысты белгілі жоспармен, жүйемен жасауы керек.

4. Алғашқы кезде оқытушылардан, тәжірибелі адамдардан, кітапханалардан ақыл-кеңес алудың пайдасы зор.

5. Өздігінен білім алу жұмысын асықпай, көп үзіліс жасамай жүргізген жөн.

6. Оқыған материалды мұқият ұғатындай етіп ұғып, түсінбеген жерлерді қалдырмай, қайталап оқып, оның негізгі жақтарын жазып алу қажет.

7. Анықтама әдебиеттерді, энциклопедияларды, түрлі сөздіктерді қоса пайдаланып отыру керек.



Білімалушы өздік жұмыстарын ұйымдастыруға қойылатын талаптар.

    • Жұмыстың көлемін шамадан тыс асырмай, оның сапасын арттыруға көңіл аудару;

    • Білімалушының өздік жұмысын оқу жұмысының басқа түрлерімен дұрыс ұштастыра білу;

Білімалушының дербестігін арттырып, өзіндік білім алу қабілетін жүйелі түрде дамыту;

    • Өзіндік жұмыстың мазмұнына күнделікті өмірден алынған материалдарды, хабарларды енгізу;

    • Білімалушыны табиғат пен қоғам дамуының жалпы заңдылықтарын, сонымен қатар нақты фактілер мен құбылыстарды өздігінен талдап түсінуге үйрету;

    • Білімалушының алған білімдерін іс жүзінде қолдана білуге дағдыландыру;

    • Білімалушының оқу жұмысына шығармашылық тұрғыдан қарауға, әр уақытта дербес және белсенді әрекет жасауға баулу;

    • Білімалушының өздігінен дербес жұмыс істеу, еңбек ету дағдыларын қалыптастыру.


БӨЖ тақырыптарының тізімі



Тақырыптар

Орындау түрі

1.

Балалар психологиясының даму тарихы, теориялар туралы негізгі түсініктер.

баяндама

2.

Шет елдік психологияда ойынның теориясына Г.В.Плехановтың сынауы, Я.Коменский, Ж.Руссо, Р.Оуэн ойлары.

коллоквиум

3.

Бақылау және сараптау, тест, әлеуметтік қарым-қатынасты зерттеу әдістерін күнделікті іс-тәжірибемізде қолдана білу.

конспект

4.

В.Штерннің сынау концепсиясы.

конспект

5.

Ж.Пиаже және оның мектебі.

коллоквиум

6.

Бала психикасының дамуына әсер етуші факторлар

конспект

7.

Ойын түрлеріне сипаттама.

коллоквиум

8.

Әр жас кезеңінде жас дағдарыстарының болу себептері

конспект

9.

Д.Б.Эльконин бойынша балалардың даму деңгейі

Баяндама

10.

Нәрестелік кезеңдегі психикалық дамуға шартты және шартсыз рефлекстердің ықпалы

конспект

11.

Ерте сәбилік шақ. Сәбидің дамуының басты белгілері. Үш жас кезеңіндегі жаңадан пайда болатын әркеттер.

конспект

12.

Мектеп жасыны дейінгі баланың мінез- құлық мотивтерін дамыту және өзінің санасынын қалыптастыру.

конспект

13.

Іс-әркеттердің бала психикасының дамуына тигізетін әсері.

коллоквиум

14.

Мектепке дейінгі кезеңде тілді қатынас құралы ретінде пайдалана білуі. Мектепке дейінгі кезеңдегі балалардың сенсорлық дамуы

баяндама

15.

Кіші мектеп оқушылырының танымдық процестерінің дамуы.

конспект

Студенттердің ағымдағы білімдерін бақылау үшін рефераттар, бақылау жұмыстар тақырыптарының тізімін және білімдерін бақылау түрлерін тест, коллоквиум сұрақтарын және т.б. келтіру керек. Білімалушылар БӨЖ орындау барысында рефераттың көлемі машинамен басылған 5 беттен аспауы керек.



ТАПСЫРМАЛАР:

1-тапсырма. Қай әдіс диалектикалық-материалистік зерттеу талабына сай екендігін анықтаңыз.

а) Оқушы арнаулы кабинетте болады. Аспаптап оның тыныс алу өзгерісін, тамырының соғуын, егу жұмысы кезіндегі тітіркендіргіштерді байқап, жазып жатыр. Тәжірибе қорытындысы оның бұрыннан белгілі жағдайларымен салыстырылып қарастырылады.

ә) Оқушының жазу үлгісі оның жеке басының ерешеліктерін және мінез-құлық сипаттарын анықтап білуге болатынын көрсетеді.

2-тапсырма. Мысалда қандай зерттеу әдісі қолданылған?

Зерттелушінің сезімін анықтау мақсатымен оған қорқынышты суреттер көрсетіледі де, сол кезде терінің астында болып жатқан өзгерістер электрондық аппараттармен зерттеледі.



3-тапсырма. Не себептен балалар салған суреттер зерттеуші үшін бала психикасы жайында бағалы материалдар болып табылады?

Балалардың салған суреттерін қалайша зерттеуге болады?Өзіңіз зерттеген мәселенің жоспарын жасаңыз.



4-тапсырма. Баланың ақыл-ойының даму деңгейін анықтау үшін қандай тестерді пайдалануға болады?

5-тапсырма. Балалар бақшасында зерттеушілер социометрия әдісін жиі қолданады. Сол социометрия әдісінің көмегімен қандай жайттарды анықтауға болады? Бұл әдістің жеткіліксіз жақтары қандай? Мектеп жасына дейінгі балалар арасындағы қарым-қатынасты зерттеу балалардың әрекет кезіндегі таңдаулары арқылы нәтижелі болуының себебі неге байланысты?

Төменде келтірілген мысалдардың сипатына сай іс-әрекет түрлерін талдап, олардың мән-жайын анықтаңыз.

а) психиканың даму шарттары;

ә) әрекетті орындау тәсілдерін меңгеру жолдары;

б) барлық психикалық сезімдердің айқын байқалуы;

в) адамның материалдық және рухани қажеттіліктерін қанағаттандыру және олардың нәтижелі болуына бағытталған іс-әрекет түрлері;

г) ұғымдар жүйесін меңгеріп, оларды теруге және қолдана білуге бағытталған іс-әрекет түрлері.

6-тапсырма. Мынадай жағдайларға сүйене отырып, басты мақсатты табыңыз.

1.Ержан мектепке барар жолда өзіне қажетті дәріні алу үшін дәріханаға жиі кіреді.

2.Ержан сабаққа дейін де,сабақтан соң да ойынға беріліп, үй тапсырмасын толық орындай алмады.

Ержан мектепке барар жолда кітапханаға кіріп, біршама уақытын сонда өткізеді. Төменде қандай дағдарыстық кезең сипатталып тұр: Бала өз «менің» түсінеді, жеке дара адам екенін ұғынады. Бұл кезеңде бала бәрін біледі, әрі дербестігін талап етеді:



7-тапсырма. Кейбір отбасында, мектепке дейінгі мекемелерде балалардың заттармен әрекет етуі кешеуілдеп дамитыны байқалады. Мұның себебі не?

8-тапсырма. Кейбір отбасында баланы өзбетінше отыруға дағдыландыру үшін жан-жағын жастықпен қоршап қояды. Осы әдісті қолдану дұрыс па?

9-тапсырма. Мына мысалда қандай зерттеу әдісі қолданылған?

Баланың есте сақтау қабілетін анықтау үшін, оған шет тіліндегі 10 сөзді жаттау тапсырылды. Бақылаушы баланың әрбір сөзді есінде сақтауы үшін қанша рет қайталағанын, 10 сөзге жіберген уақытын есепке алды.



10-тапсырма. Сипаттаған жағдайдағы зерттеу әдісіне анықтаңыз.

Оқушыға тәжірибе жүргізуден бұрын тиісті нұсқаулар алынады.

Одан алынған барлық көрсеткіштер тиісті аппараттармен жазылады. Ал денесіне, бас киіміне бекітілген арнайы зерттеу аппараттары бар. Оңаша кабинаға орналастырылған оқушыға әр түрлі тітіркендіргіштермен әсер етіледі.

11-тапсырма. Мысалда қолданылған әдіс-тәсілдерді анықтаңыз.

Тәрбиеші «Қуыршақ биі» деген көңілді ойын өткізіп, балалардың қимыл-қозғалысын, би ырғағының ерекшеліктерін зерттеу үстінде. Әзірше барлық бала бір қалыпты билеп жүр. Олар өздеріне-өздері сенімді, шеңбер бойымен қозғалып, қарапайым фигуралық қимыл-қозғалыстар жасайды.

Енді міне, тәрбиеші Айгүл мен Гүлнардың ортаға шығып билеуін сұрады. Айгүл бірден билеуден бас тартты. Ал Гүлнар ортаға шығып, жан-жағына қарап, ұялып, жасқаншақтап, біраз тұрып қалды да, тек тәрбиешінің көмегімен билей бастады. Осы топтың ішіндегі пайымды да батыл қыз Ғалия бірден билеп кетті. Бірақ оның да өз қимыл-қозғалысына сенімсіздеу екендігі сезілді.

12-тапсырма. Келтірілген мысалдарда қандай зерттеу әдісі қолданылған?


Р-с


Зерттеушінің сұрағы


Зерттелушінің жауабы

1

2
3


4

Бейтаныс адамды жатырқамай, тез тіл табыса аласыз ба? Әлде ұялшақтық көрсетіп, тартыншақтық байқатасыз ба?

Өзіңізді бейтаныс ортада қалай сезінесіз, әлде біреу амалсыз күштеп тұрғандай сезінесіз бе?

Достарыңыз көп пе, әлде аз ба?

Бейтаныс адамдар алдында емін-еркін сөйлей аласыз ба, жоқ па?



Тез тіл табысамын.
Еркін сезінемін

Көп


ия


13- тапсырма. Мысалдарда қандай әдістер қолданылғанын анықтаңыз.

а) Оқушының зейін тұрақтылығын анықтау мақсатымен, ол математикалық есеп шығарған кезде, қызықты теледидар хабарын қосып қойған.

ә) Психолог маман балаларға түрлі суреттер көрсетіп, оларды қалай қабылдап, нендей қорытынды жасай алатынын анықтаған.

б) Тәрбиеші балаларға бұрыннан таныс өздері қолданып, пайдаланып жүрген 10 заттың суретін көрсетіп, 1 минуттан соң заттардың бетін матамен жауып қойып, қандай заттар көргенін қайталап айтып беруін талап еткен.



14-тапсырма. Санжардың шешесі тәрбиешіден кеңес сұрады. /Санжар 4 жас 7 айлық/ «Ұлымды қайтсем екен, бірбеткей, айтқанынан қайтпайды? Атасы мен әкесі де бірбеткей, мүмкін бұл тұқым қуалаушылық әсері шығар?» – деді.

Шешесінің мазасыздануы орынды ма? Бала мінезінің осылай қалыптасуына психологиялық дамудың қандай факторлары әсер етті?

Баланың шешесіне қандай кеңес айтар едіңіз?

15- тапсырма. Кейбір ата-аналар арасында мынандай пікір қалыптасқан: балалардың бойындағы кейбір кемшіліктер – жалқаулық, тыңдамау, бірбеткей болуы тұқым қуалаушылық салдары деп санайды.

Неге, қазіргі кезде ата-аналар көп нәрсені тұқым қуалаушылыққа аудара салады? Мүмкін деген себептерді атаңыз.



16- тапсырма. 1-қыркүйекке қарай Сабыр 5 жас 11 айға толып еді. Ол мектепке бармай бала бақшада қалды. Ал Мирас пен Болат 6 жасқа толып мектепке барды. Барлық балалардың дамуы бірдей. Бір жылдан кейін осы балаларға қайталап зерттеу жүргізілді. Нәтижесі мынандай: Мирас пен Болаттың даму деңгейі бала бақшадағы Сабырға қарағанда кәдімгідей жоғары болды. Ал мектепке барып жүрген осы екі баланың психикалық дамуын зерттегенде Болаттың даму көрсеткіштері жоғары болды.

Балалар психикалық дамуының түрліше болуының мүмкін деген себептерін мына жағдайларды ескере отырып атаңыз: олар ауырған жоқ па және денесінің өсуі жағынан бәрі де біркелкі ме?



17- тапсырма. Айдар /2 жас 7 ай/ жиі ауырады. Ұзақ уақыт ауруханада жатты, тілі шығып сөйлемейді. Айдардың тілі шығып сөйлеп кету үшін шешесі көп күш жұмсады. Айдардың тілінің кешеуілдеп шығып, сөзді қиын меңгеруінің негізгі себептері неде?

18- тапсырма. Әңгімелесу әдісін қолданып, бала бақшадағы балалардың ересек тобында өзара қарым-қатынас ерекшеліктерін анықтау үшін жүргізілетін әңгіменің жоспары:

-саған өз тобында болу ұнай ма?

-сендер тату ойнайсыңдар ма?

-ұрысып қаласыңдар ма? Жиі ме?

-балалардың пікірі бойынша сендер татусындар ма?

-саған топ ішінде кім ұнайды? Неге?

-сендерді тату деп айтуға бола ма?

-сен кіммен ойнайсың?

-кімдермен ешқашан ойнамайсың? Неге?

-сенімен оның ойнағысы келе ме?



Бақылау жүргізудің жоспары:

1.Әңгімені талдаңыз.

2.Топтағы балалардың ерекшеліктерін анықтаңыз

3.Қажетті мағлұматтарды молырақ алу үшін тағы да қандай әдістерді қолдануға болады?



19-тапсырма. Баланың сыртқы ортамен, заттарман қарым-қатынас жасаудағы дербестігін қалыптастыру үші н ата – аналармен қандай жұмыс жүргізу қажет?

20-тапсырма. Бала бойын билеп, қаз тұрып жүре бастаған кезінде бұлшық ет сезгіштігінің дамуындағы кинестезиялық түйсіну мүшелерінің ( көрудің, сипап сезудің) арақатынасына талдау жасңыз.

Бұлшық ет сезгіштігі кеңістіктегі заттардың орны мен арақашықтығын қалайша ажырата алады?



21-тапсырма. Бала кеңістіктегі заттың бағытын, дұрыстығы мен алыс-жақындығын қалай меңгереді?

22-тапсырма. Педагогтар сәбилік кезеңде баланың ойыншықтарын аса көп болуы міндетті емес деп есептейді. Ойыншық аз болған жағдайда баланың заттар мен әрекет етуін қалай ұйымдастыруға болады?

23-тапсырма. 2 жас 5 айлық Анардың әке-шешесі институттың кешкі бөлімінде оқи жүріп, жұмыс істейді. Баланы тәрбиелеуге мүмкіндіктері болмағандықтан, оны ауылдағы әжесіне тәрбиелеуге берді. Бір жылдан соң Анардың әке-шешесі қызын сөйлеу мәнеріндегі кемшілікті байқады. Бұл жағдайды қалай түсіндіруге болады? Бала сөйлеуінің қарқынды дамуының сензитивтік кезеңі қай мезгілде басталады?

24-тапсырма. 1 жас 6 айлық Серікті анасы киіндіріп отырып, «Қазір көйлегіңді киесің.Көйлегің кәне, маған әкеліп бер, шұлығыңды, бәтеңкеңді де ала кел» дейді. Серік баяу болса да анасының айтқандарын орындайды. Ананың әрекетімен келісесіз бе? Анасы сөз арқылы баласына тәрбиенің қандай сипатын қалыптастырғысы келеді? Қалай пайымдайсыз, осыдан соң Әли өз ықыласымен киіне ме?

25-тапсырма. 2 жас 8 айлық Меруерттің шешесі тәрбиешіге: «Қызым балаларға арналған кешкілік ертегі мен теледидар хабарын зейін қойып тыңдайды. Кейде мултьфильм көрсетер алдында оған түсінік берілсе, зейіні басқа жаққа тез ауып кетеді. Ал егер кітаптан оқылса, онда оны тіпті тыңдамайды» дейді.

Сұрақ : Меруерт неліктен ауызша әңгімені тыңдамайды? Оның зейінін ауызша айтылған әңгімеге қалай тұрақтандыруға болады?

26-тапсырма. Хайуанаттар паркінен қасқырды алғаш көрген Мерей шешесінен: «Рекс мұнда неғып тұр?» деп таңдана сұрады. (Рекс көршінің иті)

Баланың жас ерекшелігін атаңыз. Баланың қасқырды қалай қабылдағанын түсіңдіріңіз.



27-тапсырма. Сырым қолына қарындаш, қағаз алып, «ұшақтың суретін саламын» деді. Алайда суретті салғаннан кейін, «пойыз салдым» деді.

Сұрақ: Осы құбылыс заңды ма? Мұндай әрекет баланың қай жас кезеңіне лайық?

28-тапсырма. Ата-аналар мұғалімдерге мына сияқты сауалдарды жиі қояды: « Неліктен барлық бала оқу мен жазуды бірдей жақсы меңгермейді? Баламызға көмектескіміз келеді. Ол үшін не істеуіміз керек?»

Ата –аналарға кеңес беріңіз.



29-тапсырма. «Баламның мектепке дайын не дайын еместігін қалай анықтаймын?» « Баламның мектепте оқуға ықыласы жоқ» дейтін ата-аналар бар.

Сұрақ: Баланың мектепке даярлығын психикалық жғынан қалай анықтауға болады? Оның мектепте қалай оқитынын алдын-ала білуге болама?



30-тапсырма. Бағдат мектепке алғаш барғанда оқу мен жазуды өте қиналып меңгерді. Оның білім алу дағдысы баяу қалыптасты. Анасы мектепте не істедің, қандай тапсырма берді? Деп сұраса, ол кейде мұғалімнің не туралы айтқаның үйге нендей тапсырма бергенін білмейді.

Мұндай жайт нендей жағдайға байланысты болуы мүмкін? Бағдатқа қалай көмектесу керек?



ТЕСТ ТАПСЫРМАЛАРЫ:
1. Балалар психологиясының зерттеу пәні:

А) бала психикасының даму заңдылықтары мен фактілері

В) баланың психикалық даму заңдары

С) баланың қарым-қатынасы

Д) баланың психикалық іс-әрекеті

Е) баланың психикалық дамуы

2.«Егер педагог баланы барлық жағынан тәрбиелегісі келсе,онда оны алдымен жан-жақты зерттеп білуі керек» - деген кімнің сөзі:

А) К. Д. Ушинскийдің

В) А. Құнанбаевтің

С) Н. К. Крупскаяның

Д) Д. Б. Элькониннің

Е) А. С. Макаренконың

3. Биологиялық және әлеуметтік факторлардың конвергенциясы жайлы идеяның негізін салған кім?

А) В. Штерн

В) Дж Локк

С) Ж. Пиаже

Д) А. Бине

Е) З. Фрейд

4. К. Д. Ушинскийдің: «Қуатты әрекетшіл қиял ұлы ақылға қажетті жабдық»-деген сөздерін қалай түсіндіруге болады?

А) қиялдың жеке тұлғаның ойлау іс-әрекетімен өзара байланысы

В) барлығы қиялмен міндеттелінген

С)қиял ойлаумен бірлесіп шығармашылық іс-әрекетке еніп,әлемді өзгертуге,жаңалықтарды ашуға ықпал етеді

Д) шығармашылыққа қиял ілеседі

Е) қиял іс-әрекеті жеке тұлғамен, оның қажеттіліктермен өзара байланысқан

5. Шетел балалар психологиясындағы әлеуметтеуші бағыттың өкілдері үшін не нәрсе маңызды?

А) бала-ересектің қолындағы тіл алғыш құрал

В) жеке тұлғаның белсенділігін жоққа шығару

Д) сыртқы құбылыстар

С) дамудың социумынан тәуелсіздігі

Е) баланың сыртқы ортаға тәуелді болуы

6. Психика дамуының маңызды шартын не құрайды?

А) жас ерекшелігі анотомиясы мен физиологиясының жетістіктерін пайдалану

В) еліктеу

С) ми қызметін жетілдіру

Д) қарым-қатынасының дамуы

Е) жүйке жүйесінің қалыпты пісіп жетілуі мен жұмыс істеуі

7. Шетел мектептеріндегі балалар психологиясы нені оқытады?

А) интеллект мінез-құлық, сезімдер

В) сана

С) дағдылар



Д) таным

Е) басқа балаларды асыра мақтау

8. Балалар психологиясы қай ғылымның жетістектерін үнемі

қолданады?

А) жас ерекшеліктері анатомиясының

В) педагогиканың

С) математиканың

Д)

философияның



Е) кибернетиканың

9. Балалар психологиясы курсының оқу тапсырмаларын шешуде

болашақ педагог нені білуі керек?

А) бала психикасының дамуына ересек пен баланың қатынасымен

байланысты белсенді әрекеті мен әлеуметтік жағдай ықпал етеді

В) балалар еліктегіш

С) бала психикасының дамуы – әлеуметтік үрдіс

Д) бала психикасының дамуы өзінің белсенді іс-әрекетінде жүзеге асады

Е) баланың іс-әрекеті әрқашанда баланың ересектермен қатынасына байланысты.

10. Жас ерекшелігі психологиясы пәнінің негізгі қызметі:

А) Білім, іскерлік, дағдыларды калыптастыру.

В) Тәрбие жұмыстарын жургізу.

С) Адамның әр түрлі жас кезеңіндегі психикасының ерекшеліктерін зерттеу.

D) Жас ұрпаққа білім беру.

Е) Оқыту жұмыстарын жүргізу.

11. Ұйымдастыру әдістері тобына қандай әдістер жатады:

А) салыстыру, кешенді, лангитюд.

В) байқау, эксперимент, әңгімелесу.

С) қалыптастырушы эксперимент, сауалнама, тестілеу.

Д)құрылымдық және генетикалық.

Е) сандык және сапалық.

12. Мәліметтерді талдау әдістер тобына балалар психологиясының

қай әдістері кіреді:

А) құрылымдық және генетикалық.

В) сандық және сапалық талдау әдістері.

С) қалыптастырушы эксперимент, тестілеу, анкета.

Д) байқау, эксперимент, әңгімелесу.

Е) салыстыру, лангитюд, комплекстік.


13. Баланың психикасын зерттеуде тиімді деп есептелетін әдіс.

А) психологиялық - педагогикалық эксперимент

В) бақылау

С) әңгіме

Д) әлеуметтік қарым - қатынасты зерттеу (социометрия)

Е) тест


14. Бала психикасын зерттеп білуде,пихологияда көбірек қолданылатын әдіс.

А) бақылау

В) өмірбаян зерттеу әдісі

С) әңгімелесу

Д) лангитюдтік әдіс

Е) тест


15. Дамудың тенденциялық ерекшелігін зерттеудегі қолданылатын әдіс.

А) салыстырмалы әдіс

В) кескіндік әдіс.

С) лабораторлық әдіс

Д)лонгитюдттік әдіс.

Е) эксперименталдық әдіс.

16. Тұлғалық – бағытталған оқыту жағдайында балалар психологиясында қолданылып жүрген көкейкесті әдіс.

А) психодиагностикалық және психокоррекциялық әдістер

В) эксперимент

С) салыстырмалы әдістер

Д) тестілер

Е) бақылау

17. Мектеп жасына дейінгі балаларды оқытуда жиі қолданылатын тиімді әдіс.

А) ойын әдісі

В) тәжірбиелік

С) сөзбен

Д)көрнекі

Е) мәселені – іздеу

18. Контент - анализ әдісі:

А) Арнайы даярланған схемаға сәйкес жазбаша мәтінге, хатқа, іс- әрекет нәтижесінен, шығармашылық хатқа мазмұнды талдау жасау



Сондықтан ата-аналар мына ережелердi ұстанғаны дұрыс:
Дидактикалық ойындардың мазмұны

Каталог: ebook -> umkd
umkd -> Мамандығына арналған Сұлтанмахмұттану ПӘнінің ОҚУ-Әдістемелік кешені
umkd -> Қазақстан Республикасының
umkd -> Қазақстан Республикасының
umkd -> Студенттерге арналған оқу әдістемелік кешені
umkd -> ПӘннің ОҚУ Әдістемелік кешені 5В011700 «Қазақ тілі мен әдебиеті» мамандығына арналған «Ұлы отан соғысы және соғыстан кейінгі жылдардағы қазақ әдебиетінің тарихы (1941-1960)» пәнінен ОҚытушыға арналған пән бағдарламасы
umkd -> «Балалар әдебиеті» пәніне арналған оқу-әдістемелік материалдар 2013 жылғы №3 басылым 5 в 050117 «Қазақ тілі мен әдебиеті»
umkd -> ПӘннің ОҚУ-Әдістемелік кешенінің
umkd -> 5 в 011700- Қазақ тілі мен әдебиеті
umkd -> 5 в 011700- Қазақ тілі мен әдебиеті
umkd -> «Филология: қазақ тілі» мамандығына арналған


Достарыңызбен бөлісу:
1   2   3   4   5   6   7   8   9   10   11


©engime.org 2017
әкімшілігінің қараңыз

енгізу | тіркеу
    Басты бет


материалдарды жүктеу