2018 жылы Қазақстан білім алушыларының жаратылыстанушылық-ғылыми сауаттылық бойынша тестілеу нәтижелері басқа елдермен салыстырғанда қандай болды? Қазақстан білім алушыларының тек 40%-і жаратылыстанушылық-ғылыми сауаттылық бойынша кем дегенде 2-деңгей нәтижесін көрсетті. ЭЫДҰ елдері бойынша орташа көрсеткіш 78%-ті құрайды. Ал 5-деңгейден жоғары нәтиже көрсеткен білім алушылар 1%-ке жетпеді. ЭЫДҰ елдері бойынша орташа көрсеткіш 7%-ті құрайды.
PISA тестілеу нәтижелерін жақсарту үшін елімізде қандай шаралар жүзеге асырылып жатыр? Қазақстанда PISA нәтижелерін жақсарту және білім жүйесінің сапасын арттыру мақсатында енгізіліп жатқан негізгі өзгерістер – орта білім мазмұнының жаңартылуы мен еліміздің білім беру қорының цифрлануы.
PISA оқу сауаттылығы дегеніміз не? (Шолу)
Тұлғаның өзін-өзі дамытуы мен білімін жетілдіруіндегі басты құралдардың бірі – оқу сауаттылығы. Бұл кеңауқымды ұғым үш құрамдас бөліктен тұрады. Біріншісі – оқылған мәтінді түсіну қабілеті. Ол білім алушыны оқуға үйрету кезінде педагог қызметінің маңызды бөлігі болып табылады. Қойылған сұраққа толық жауап беру үшін мәтін ақпаратын қолдану қабілеті де аса маңызды. Оны пән мұғалімі қызметінің қолданбалы бөлігі ретінде қарастырса болады. Үшіншісі – белсенді оқудың басты көрсеткішітерінің бірі – оқығаны туралы ойлана алу қабілеті.
Оқу сауаттылығы адамның қоғамдағы өмірінде маңызды рөл атқарады. Сондықтан оқу сауаттылығы – PISA халықаралық зерттеуінің функционалды сауаттылықты бағалаудағы негізгі бағыттарының бірі. Ол PISA аясында 2000 жылдан бастап әр үш жыл сайын бағаланып келеді, 2000 және 2009 жылдары приоритетті бағыт болған.
