PISA зерттеуінің басты ерекшелігі неде?
PISA-ның ерекшелігі – жүйелі түрде өтуі әрі дүниежүзін қамтуы. Осы уақытқа дейін PISA зерттеуіне 90 ел қатысып үлгерді. Бұл зерттеу түрлі мәселелерді қамтитындықтан, қатысушы елдердің білім жүйесін жетілдіруге елеулі әсер етуімен қатар, келешекте жалпы қоғамдық өзгерістерге алып келе алады. Зерттеу нәтижесінде берілген кеңестер елдің қазіргі білім жүйесін оңтайландырып, ел жастарының әлеуетін жақсартуға көмектеседі.
PISA зерттеуі білім алушылардың қандай білімі мен дағдыларын тексереді?
PISA зерттеуі білім алушылардың сауаттылығын үш басым бағыт бойынша бағалайды. Олар: оқу сауаттылығы, математикалық сауаттылық және жаратылыстанушылық-ғылыми сауаттылық. Бұл бағыттарды таңдау себебі – олар білім алушының одан әрі алатын білімінің негізін құрайды. PISA білім алушының академиялық білімін емес, функционалды сауаттылығын, яғни:
алған білімін өмірде қолдана алу,
кез-келген мәселенің мәні мен себеп-салдарын терең түсіну,
шығармашылық тапсырмаларды орындау,
ақпаратты іздеу, талдау, түсіндіру сынды дағдыларын бағалайды.
Сонымен қатар әр айналымда білім алушының креативті ойлау, жаһандық құзыреттілік, қаржылық сауаттылық немесе мәселені бірлесе шешу сияқты бір инновациялық бағыт бойынша сауаттылығы тексеріледі.
Достарыңызбен бөлісу: |
