PISA тестілеуінде қандай тапсырма түрлері кездеседі? Неге олар таңдалды? PISA тапсырмаларының басым бөлігі – таңдауы бар тест тапсырмалары және бұл – оның негізгі бағалау әдісі. Себебі бұл әдіс сенімді әрі тиімді, сондай-ақ ғылыми талдау жасауға ыңғайлы. Тестілеуде мәтіндегі сөзді белгілеу, ақпарат бөліктерін біріктіру және ашылмалы мәзірден бірнеше таңдау жасау сияқты тапсырма түрлері кездеседі. Сонымен қатар PISA тест тапсырмаларының шамамен үштен бірі ашық сұрақ түрінде беріледі.
PISA тестілеуіне қатысқан білім алушылардың барлығы неге бірдей сұраққа жауап бермейді? PISA белгілі бір білім алушының жеке білімін тексеру үшін емес, сол елдегі жалпы білім беру жүйесін тексеру үшін ұйымдастырылатындықтан, сұрақтардың бірдей болуы қажет емес. Білім алушыларға әртүрлі сұрақтар қою арқылы сол елдің білім беру жүйесінің деңгейі жөнінде мол ақпарат алуға болады.
