Микробалдырлардың (хлорелла және сценедесмус) биомассасының біраз мөлшері балықтардың өсуіне қажетті биологиялық стимулятор екендігі тәжірибелік зерттеулермен дәлелденген

Микробалдырлардың маңызы

Көк-жасыл балдырлар өте өзгергіш және сыртқы ортаның қолайсыз жағдайына тез бейімделеді. Олар тұщы және теңіз суларында,топырақтың бетінде,топырақта,жалаңаш жартастардың бетінде,қардың астында және ыстық қайнар бұлақтарда да өмір сүреді.Кейбір планктонды түрлері ластанған сулардың көкшіл түске боялуына («цветение») әкеліп соқтырады(анабена туысы-Anabena),ал екінші біреулері,шіру процесінің өнімдерін минеризациялап,суды тазартады.Көк-жасыл балдырлардың топырақта кездесетін түрлері-Формидиум және плектонема ауадағы азотты бойына сіңіруге қабілетті келеді. Ностоктың колониясын қоршап тұратын шырышты заттарға,ауадағы азотты бойына сіңіретін бактериялар қоныстанады.