Алынған нәтижелер зерттеуге алынған студенттердің 18,5 пайызы темекі өнімдерін тұтынып көргендігін немесе қазірге дейін тұтынатындығын көрсетті. Ал, студенттердің 22,5 пайызы алкаголь өнімдерін тұтынып көргендіктерін білдірді. Басқа да денсаулыққа аса зиян психотропды заттарды пайдаланған студенттер анықталмады. Осы нәтижелерге сүйене отырып, профилактикалық іс-шара бағдарламасы аясында «Студенттің тән саулығы», «Студенттің жан саулығы» тақырыптарында әңгімелесу, танымдық деңгейдегі іс-шаралар өткізілді.
Салауатты студенттің негізгі көрсеткішінің бірі – оның спортпен шұғылдануы, салауатты өмір салтын ұстануы. Физикалық даярлық адамның физиологиялық, психологиялық және моральдық қасиеттерінің күрделі кешенін қамти отырып, көбіне адамның кәсіби іс-әрекетке деген физикалық жарамдылық деңгейін білдіреді. Студент жастардың университеттегі негізгі әрекеті оқу іс-әрекетіне ауысқандықтан, физикалық белсенділік деңгейінің төмендеуі байқалады. Жoғaры oқу oрнының студeнттeрінің кәсіби іс-әрeкeткe бeйімдeлу дeңгeйі анықтау сaуaлнaмaсы аясында «Спорттық секцияларға/жаттығуларға қаншалықты жиі барасыз?» деген сұрақ қойылды. Осы сұраққа берілген жауап нұсқаларын 14-ші кестеден және 16-шы суреттен көруге болады.
Кесте 14 – «Спорттық секцияларға/жаттығуларға қаншалықты жиі барасыз?» деген сұраққа берілген жауаптар
