7 – сабақ.
Жүйке жүйесі.
Біз айналамыздағы түрлі заттарды көріп, дыбыстарды естіп, иістерді сезіп, ыстықты, суықты сезінеміз. Осылардың әрқайсысына белгілі бір әрекет түрінде жауап қайтарамыз. Адамның бүкіл тіршілігі, іс әрекеті, барлық дене мүшелерінің қызметі, олардың үйлесімді жүйесі арқылы атқарылады. Осыдан жүйке жүйесінің үздіксіз қызмет атқаратынын білесіңдер. Сондықтан адам әрекетінің шаршауы оның жүйке жүйесінен, оның ішінде мидан басталады. Жүйке жүйесінің шамадан тыс шаршауы адамның жұмыс істеу қабілетінің төмендеуіне, дене мүшелері қызметінің бұзылуына әкеліп соғады. Жүйке жүйесінің шамадан тыс шаршауын болдырмау үшін адам өзінің күнделікті іс – әрекетін, айналысатын дене еңбегін дұрыс ұйымдастыра білуі қажет.
