Абдрахманова Канткуль Мыктыбековна 2006 жылы Қазақ мемлекеттік қыздар педагогика институтын қазақ тілі мен әдебиеті мамандығы бойынша аяқтаған. М.Әуезов атындағы жалпы орта мектебіне 2005 жылы хатшы болып орналасқан. Осы жылдың 10 қазанынан бастап қазақ тілі мен әдебиеті пәні мұғалімі қызметін атқарып келеді.Білімі жоғары, екінші санатты мұғалім. Ол мектептегі ізденімпаз ұстаздардың бірі. Мұғалімнің ретінде мақсаты - оқушылардың шығармашылық қабілетін, өздік танымдық біліктілігін дамыта отырып, білім сапасын арттыруды ұйымдастыру.
Сабақ беретін сыныптарында, білімі мен өнегесін шәкірттеріне арнап, бойындағы бар күш-жігерін шәкірт тәрбиелеуге жұмсауда. «Жеті жұрттың тілін біл, Жеті түрлі білім біл» деп сабақта үштілділікке баулу» тақырыбында шығармашылықпен жұмыстанып, оны үнемі сабақта қолдануда.
Сонымен қатар ол мектептегі қоғамдық жұмыстарға да белсене араласады. Канкуль білім мен тәрбиені ұштастырған ұстаз ғана емес, ол 4 баланы өсіріп отырған аяулы жар.
Болашақта мектептің мерейін көтеріп, шәкірттерін үлкен жетістіктерге жеткізеді деген сенімдеміз.
