Сабақ беру мәселелері мәдібекова Ғ. М. Оңтүстік Қазақстан Мемлекеттік педагогикалық институты
жүктеу/скачать 64 Kb.
|
- Бұл бет үшін навигация:
- Пайдаланылған әдебиеттер тізімі
| ӘОЖ 378.02:371.125
ХИМИЯДАН ҮШТІЛДЕ САБАҚ БЕРУ МӘСЕЛЕЛЕРІ Мәдібекова Ғ.М. Оңтүстік Қазақстан Мемлекеттік педагогикалық институты Резюме В данной статье рассмотрены особенности преподавания химии на английском языке. Summary This article describes the features of chemistry teaching in English. Мемлекет басшысы Н.Ә. Назарбаевтың "Қазақстан жолы–2050: Бір мақсат, бір мүдде, бір болашақ" атты жолдауының әлемдегі ең дамыған 30 елдің қатарына кіру тұжырымдамасында алдағы жұмыстың ұзақ мерзімді басым бағыттары белгіленді. Бұл басым бағыттар бойынша өзекті мәселелердің бірі білім мәселесі болып саналады. Ал,«Жаңа әлемдегі жаңа Қазақстан» атты 2007 жылғы Қазақстан халқына Жолдауында үш тілде – қазақ, орыс және ағылшын тілдерінде білім беруді дамытуды қоғам бірлігінің және оның бәсекеге қабілеттілігін арттырудың кепілі ретінде нақтылап берді [1]. Білім беруді дамытудың мемлекеттік бағдарламасы негізінде балабақшадан жоғары оқу орнына дейін қамтылыған үрдісте үштілділік маңызды орын алып отыр. Осыған байланысты жоғары білім берудің мемлекеттік жалпыға міндетті стандартының бакалавриат бағдарламасындағы 129 кредиттік пәндердің қазақ тілінде елу, орыс тілінде жиырма, ағылшын тілінде отыз пайызын өткізу былтырғы оқу жылынан бастап жұмыс оқу жоспарына енгізіліп отыр: бакалавр білім беру бағдарламасы қазақ тілі орыс тілі ағылшын тілі 50 20 30 пайыз
Семестр соңында бір пәннің өтілетін тақырыптарына сәйкес толық сөздік дайын болып шығады. Мектепте әртүрлі деңгейде тілді меңгеріп келген бірінші курсқа қабылданған студенттер үшін алдымен осы үш тілді сөздік пәнді меңгеруде көмек бере алады. Оқу орны жанынан ашылған курстарға қатысу нәтижесінде отыз пайыздың құрамына кіретін келесі пәнді игеруде студенттер сабақтың мазмұнына сәйкес баяндау текстін дайындап, ауызша айтып отырады, сұрақ қоюға және жауап беруге дайындалады. Егер тіл үйрену жүйелі жүргізіліп, орыс және ағылшын тілдерін сабақ өту барысында толық меңгеруге болады. Ал орыс және ағылшын тілдерін меңгерген білім алушылардың ертеңгі күні шетелде білімін жалғастыру мүмкіндігі болатынын, инвестиция тартылып ашылып жатқан өндіріс орындарында қызмет ету және аудармашылық та мүмкіндігі болатынын айтып қызықтырып отыруға болады. Интербелсенді тақталар мен тілдік бағдарламалар енгізілген компьютерлермен жабдықталған кабинеттерде студенттердің машықтануына толық жағдай жасалған [2]. Ағылшын, орыс тіліндегі оқулықтар жеткілікті болғандықтан ғылым, білім жетістіктері мен теориялық негіздемелерді түпнұсқадан оқи алатын мүмкіндіктер де бар. Педагогикалық тәжірибеге үш тілде оқытатын Назарбаев Зияткерлік мектебі мен №2 мамандандырылған үш тілде оқытатын мектеп-интернатқа жіберіліп, онда ағылшын тілінде сабақ жүргізуге дағдыланып келеді. Студенттер арасында үш тілде дебаттар, ашық тәрбие сағаттары өткізіліп отырады. Әр айда тіл меңгеру деңгейі анықталып, стимул ретінде жоғары көрсеткіш көрсеткен студенттер мен оқытушылары марапатталады. Студенттердің диплом жұмыстарын ағылшын тілінде қорғауы, магистратураға түскенде шет тілінен жоғары көрсеткіш көрсетулері ағылшын тілін меңгерудегі жетістіктері. 2016-2017, 2017- 2018 оқу жылдары мектепте 2019 жылы химия пәнін ағылшын тілінде өтуге дайындық жасау мақсатында тілді меңгерген жоғары курс студенттерінің пассивті тәжірибе барысында 5 және 6 сыныптармен жұмыс жасауы қарастырылуда. Ол үшін мектеп басшылығының рұқсатымен әр сыныпқа екі студент бекітіліп, ағылшын тілін үйрену үшін екі сағаттық қосымша сабақ өткізіледі. Сабақтың жоспарының негізіне ағылшын тілінің beginner оқыту деңгейі алынып, өзін таныстырудан бастап химиялық элементтердің аты мен терминдер сөздігін үйрену кіреді. Бір сабақтың материалдары оқушыларға қайталауға беріліп, жаңа сабақ алдында бақылау жүргізіліп бағаланады. Үйренген сөздерді қолдана отырып, сөйлем құрастырады, тақырыпқа сәйкес пікір білдіреді. Осылай 8 сыныпқа жеткенде химия пәнін ағылшын тілінде оқып кету мүмкіндігі қалыптасады. Химия мамандығының студенттері үш тілді меңгере отырып, «100 нақты қадам» Ұлт жоспарының қадамдарын және Білім мен ғылымды дамытудың 2016-2019 жылдарға арналған мемлекеттік бағдарламасын іске асыру мақсатындағы жоо талаптарына сәйкес білім алып, болашақта мектеп бағдарламасына сәйкес химия пәнінен ағылшын тілінде білім беруге атсалысады. Пайдаланылған әдебиеттер тізімі: 1. Мемлекет басшысы Н.Ә. Назарбаевтың «Жаңа әлемдегі жаңа Қазақстан» атты 2007 жылғы Қазақстан халқына Жолдауы. 2. Химия пәнін оқытуда қолданылатын инновациялық технологиялар. Мәдібекова Ғ.М., Шитыбаев С.А., Мамраимов О.М. «Байтанаев оқулары – 4: Қазақстанда заманауи білім беру болашағы: реформалар және даму» атты халықаралық ғылыми-тәжірибелік конференция материалдары. Шымкент, 2016. жүктеу/скачать 64 Kb. Достарыңызбен бөлісу:
|