Осы жерде сөздік тірек-конспектімен жұмыс. Сколиоз – омыртқаның бүйір жаққа қисаюы.
Лордоз - омыртқаның алға қисаюы.
Кифоз — омыртқаның артқа қисаюы. Аурудың болу себептері:
1. Орындықта түзу отырмау.
2. Жазу үстелі мен орындықтың биіктігінің сәйкессіздігі.
3. Бір қолмен жүк көтеру.
4. Сүйектер мен бұлшық еттердің нашар дамуы.
Қол қаңқасы - иық, белдеуі мен қол сүйектерінен тұрады. Иық белдеуіне 2 бұғана, 2 жауырын сүйектері жатады. Жауырын үшбұрышты, үш қырлы, жұқа, жалпақ сүйек. Бұғананың бір шеті төссүйекпен, екінші шеті жауырынмен байланысады.
Қол сүйектеріне: тоқпан жілік, кәрі жілік, шынтақ сүйегі, қолбасы сүйектері. Қолбасы сүйектеріне: білезік, алақан, саусақ сүйектері жатады.
Білезікте 8 сүйек, алақанда 5 сүйек,саусақтарда 14 сүйек бар.
Аяқ қаңқасына - жамбас белдеуі мен аяқ сүйектері жатады. Жамбас пен сегізкөз тұтасып жамбас қуысын құрайды. Аяқ сүйектеріне: ортан жілік, асықты жілік, шыбық сүйек, толарсақ, табан, башпай сүйектері жатады. Толарсақта 7 сүйек, табанда 5 сүйек, башпай сүйектері - 14. Табан сүйектерінің дұрыс қалыптаспауынан жалпақ табандылық пайда болады. Оған аяқ бұлшықеттерінің әлсіз дамуы әсер етеді.
Төртінші «Жас зерттеушілер» аялдамасы. 5. «Шығармашылық шыңы» Иллюстрациялық суреттермен жұмыс жасау.Яғни, әр топ ватман және маркермен бастауыш сынып оқушыларының тірек-қимыл жүйесіне арналған суретпен, ереже дайындайды.
6. Сергіту сәті Ойын арзан, күлкі қымбат, Екі түрлі нәрсе ғой сыр мен сымбат», демекші, серпіліс сәтіне кезек берейік:
«сүйек» (Барлық оқушылар орнынан тұрып би билейді)
Соңғы « колледж» аялдамасы.«Жәрмеңке алаңы» ойыны. 7.Сабақты бекіту Тірек-қимыл жүйесі бойынша сұрақтарды саудалаймыз:
Адам қаңқасының пассивті бөліміне не жатады?
Қозғалыс жүйесіне не жатады?
Тірек-қимыл жүйесі қандай қызмет атқарады?
Сүйектер туралы ілім қалай аталады?
Сүйектің қасиеті, құрамы мен құрылысы қандай?
Сүйектің құрамындағы органикалық заттар?
Сүйектің құрамындағы минералды тұздар?
Сүйектер пішініне қарай қалай бөлінеді?
Сүйектің байланысу түрлерін ата?
Қозғалмайтың сүйектерді ата?
Аз қозғалатын сүйектерді ата?
Қозғалатын сүйектерді ата?
Бас сүйек қаңқасы қандай бөлімдерден құралған?
Иық белдеуі мен қолдың еркін қимылдайтын бөлімдері қандай?
