Г рафикалық файл форматтарын жеке-жеке қарастырып көрелік.
Windows операциялық жүйесі үшін Windows Bitmap форматы қолданылады. Бұл форматтың кеңейтілімі – .BMP.
Түрлі түсті кескіндерді (суреттерді) сақтау үшін JPEG форматы қолданылады. Бұл форматтың кеңейтілімі – .JPG.
И нтернетте JPEG форматынан басқа GIF форматы қолданылады. Ақпараттың жоғалуына жол бермейтін графикалық форматтың бірі. Мұндай файлдар форматының кеңейтілімі – .GIF.
П олиграфияда сурет сапасына ерекше талаптар қойылады. Бұл облыста арнайы TIFF форматы қолданылады. Бұл файл форматтары .TIFF кеңейтілімінде болады.
Осы аталған форматтардан басқа растрлық кескіндердің ондаған форматтары бар, олардың кейбіреулері нақты мақсаттарға бағытталған. Көпшілігі белгілі бір қосымшалармен жұмыс істеу үшін құрылған, оларға мысалы, .PSD – Adobe Photoshop қосымшасы үшін немесе .PNT – Painter 5 үшін жасалған форматтар жатады.
W MF (Windows MetaFile) – Windows-тың тағы бір форматы. Векторларды алмастыру буфері арқылы тасымалдау үшін қолданылады. Векторлық графикамен байланысы бар Windows-тың барлық программасына түсінікті әмбебап формат болып табылады.
E PS (Encapsulated PostScript) – PostScript-тің қарапайым жеңілдетілген түрі. Бір файлда бір парақтан артық өлшем сақтай алмайды және принтер үшін бірнеше орнатуды сақтамайды. Оны кейбір программалар жұмыс файлы ретінде пайдаланады.
| 
