Сарамандық жұмыс. Оқушыларды сабаққа дайындау. Қауіпсіздік және санитарлық-тазалық ережесін ескере отырып, сабаққа қажетті құрал-жабдықтарды түгендеу. Оқушыларға оқулықтағы және де басқа журналдарда берілген үлгі бойынша өсімдік дәндерінен жасалған жұмыстарды көрсетеді. Осы жұмыстарға оқушылардың назарын аударып, оларды әшекейлеу үшін қандай материалдарды қолданамыз және оларды көлеміне қарай қалай орналастыру керектігі жайлы сұрақтар қойылады. Жұмыстың істелу ретін талдайды. Жұмысты қатты қағаздың сыртын матамен қаптаудан бастайды. Жұмысты әрбір оқушы қолдарында бар дәндердін көлеміне қарай қолдана отырып өз беттерінше орындайды. Мұғалім оқушылардың жұмыстарын салыстырмалы түрде тексеріп жүріп, жіберген қателіктерін түзейді. Оқушылар жұмысты орындап болғаннан кейін оның шетін безендіруге таспа немесе шоколад қорабын қолданатынын айтады.
Сабақты оқулықтағы сұрақтарға жауап беріп, жасалған жұмыстарының сапасын тексеру арқылы қорытады.
Сабақтың тақырыбы: Бөлмеде жиһаздарды дұрыс орналастыру дизайны. 1. Білімдік: бөлмеде жиһаздардың дұрыс үйлесімді орналастыру дизайнын үйрету.
2. Дамытушылық: оқушылардың қағазды бүктеу, қию, қаптауға байланыс - ты біліктері мен білімін кеңейтіп, дамыту.
3. Тәрбиелік: бөлме жиһаздарын орналастыру арқылы эстетикалық тәрбие беру.
Сабақтың көрнекілігі және қажетті материалдар: ңатты қағаз, желім, қайшы, қарындаш, сызғыш, қыл-қалам, қорап.
Еңбек нысаны: бөлмеде жиһаздарды дұрыс орналастыру
Сабақтың барысы: Оқушылардың сабаққа дайындығы тексеріліп, жаңа сабақтың тақырыбы мен мақсаты түсіндіріледі. Сабаққа қажетті құрал-жабдықтарын түгелдеу, жұмыс орнын дұрыс ұйымдастыру. Өткен сабақ қайталаудан басталады. Оқушылардың алдыңғы сабақтарда орындаған жұмыс істеу ережесі, қағазды қию тәсілдері туралы алған білімдері нақтыланып, бекітіледі. Оқушыларға келесі сұрақтар қойылады:
Дизайн дегеніміз не, дизайнды кім жасайды?
Дизайн қандай түрлерге бөлінеді?
Дизайнерлерге қандай талаптар қойылады?
4. Интерьердегі дизайн - дегенді қалай түсінесіңдер? Мұғалім оқушыларға сыныптағы жиһаздардың орналасуып, түсінің сынып қабырғасының бояуына және пердесінің түсіне сәйкестігін сұрайды да, көрнекіліктегі жиһаз суреттерін көрсетіп, оларды талдайды.
